點點心點心專門店 (Moved) New Location

路經點點心，見佢裝修光猛乾淨，入去幫趁，招呼周道，點心即叫即蒸，必試"真係菠蘿包"，鮮焗入面真係有一塊菠蘿，真係好好味，咁大個仔未食過，再試脆皮鮮蝦腸，原想將豉油倒落腸粉，但經侍應提醒，咁樣做會影響脆度，並教我食時才點豉油，果然好味道，非一般腸粉，再試杏仁蛋白茶，有濃厚杏仁味和蛋白幼滑，蝦餃爽口皮薄晶瑩，黑糖馬拉糕好香黑糖味，流沙包又係好食，小心辣咀，跟住食埋個足料糯米飯和煎堆仔，兩個人真係食到飽，另外杯豆漿都好好飲，全部加埋百多元，真係好味好抵食，直得推薦，唯一要彈的是要等位。