盈苑海鮮酒家

Open Now

Now Closed

今日有屋企人係外地返香港，夜機返，所以一下飛機將行李放好係我屋企，我地就係區內搵野食。難得從外地返來，第一餐當然要食海鮮酒家啦！我之前一直都想去呢間開張無耐嘅海鮮酒家，而且見到依家有做緊炭香窯燒雞套餐優惠，$238就可以包一隻窯燒雞同八選一款精選小菜。呢個我地都用左好耐時間選，因為知道呢到嘅冰鎮咕嚕肉好出名，但朋友話想食海蝦，所以最後都係叫左白灼海蝦，超大一隻，有好多隻，而且好新鮮脆口！窯燒雞內用左rosemary同香料，所以分外香，一剪開超多汁爆juicy，而且外皮脆到飛起，朋友真係讚不絕口！剛下飛機當然要有糖水滋潤下啦，今日嘅豐料養生燉湯係響螺雞湯，飲落清甜唔油膩，好補身！來得香港當然要叫深海龍躉兩味，今次煮法包括金銀蒜蒸龍躉頭腩同埋翡翠炒龍躉球，兩種食法都超好食，魚肉厚身，口感一流，一上檯好快就清貨。本來都想試下幾代相傳嘅燒味部大師傅嘅功架十足，因為睇中脆皮燒鵝皇同叉燒，不過真係太飽，唯有下次再食！