鯛魚魚湯專門店 (Closed)

星期六下午，鰂魚涌好多食店都中場休息，胃痛想食d湯水類食物，好彩讓我看見這一家店仲開緊。我同友人入去個陣，小店仲有幾檯客，staff 就係後面開飯，我地就自己坐低啦。睇完一輪menu，真的好難選，太多好野喇。最後，我決定回歸基本步，要左個吉列豬排魚湯烏冬，對面友人就要個野菌肥牛飯定食，本身佢個湯係跟麵豉湯，但我地問有無得轉魚塘，佢就轉比我地喇。等左10幾分鐘，先上左個定食，分量都唔少下再黎就到我的吉利豬排魚湯烏冬，麵係稻亭烏冬，麵質滑溜。好開心個豬扒炸得幾好，個炸衣同肉無分開，食到最後都係脆口的。最重要係個湯，我真係未飲過鯛魚湯，佢係有股鯛魚既鮮味，同屋企煲既生魚湯個d唔一樣。呢個湯飲唔出其他辟腥香料既味道，衹有純粹魚湯的鮮和醇，有點顛覆我地平常飲中式魚湯又煎魚又落薑的味道。木耳同昆布一大堆，連麵都係一大碗，豬排都有7件，真係好大份！！我跟餐叫左個半價特飲，menu上個名好浪漫，但我唔記得喇。佢的真身係紫貝天葵加生薑，混埋一齊之後我覺得生薑糖水味濃d，可能因為佢沉底，可能換成熱飲會好dAnyway 呢家餐廳既魚湯 我會再黎架