Video
Read full review
2024-02-09
49 views
放工經過長沙灣見到有間新開嘅雞飯餐廳，鍾意食海南雞飯嘅我當然諗都唔諗就衝咗入去。 餐廳最入面佈置到成個迪士尼同動畫嘅世界咁，啱晒打卡。 呢度啲套餐都幾抵食，我同老公每人揀咗個1人福星套餐。 福星海南雞飯套餐🐔 嚟到呢度當然唔少得點呢度嘅招牌福星海南雞飯啦，跟餐配綠油灼時菜一碟，冬瓜雞雜湯，亦可以加$6配飲品同埋半價追加小食一款。 海南雞飯份量都幾多，賣相吸引，又有配菜酸蘿蔔、木耳同埋溏心蛋。海南雞皮爽肉嫩，雞肉味道濃郁，可以自行揀白飯或油飯，食海南雞梗係揀油飯啦，個油飯香噴噴，一口飯一口雞，絕配呀！🤤 小食方面揀咗蒜香雞軟骨，金黃香脆，蒜味十足，非常惹味。😋 ○●○●○●○●○●○●○●○●○●○● 泰式豬仔脾飯套餐🐷 泰式豬仔脾非常入味，皮爽肉嫩，豬皮骨膠原滿滿，送飯一流。 小食泰式蝦餅🦐金黃酥脆，蝦肉爽口彈牙。
放工經過長沙灣見到有間新開嘅雞飯餐廳，鍾意食海南雞飯嘅我當然諗都唔諗就衝咗入去。
餐廳最入面佈置到成個迪士尼同動畫嘅世界咁，啱晒打卡。
呢度啲套餐都幾抵食，我同老公每人揀咗個1人福星套餐。
福星海南雞飯套餐🐔
嚟到呢度當然唔少得點呢度嘅招牌福星海南雞飯啦，跟餐配綠油灼時菜一碟，冬瓜雞雜湯，亦可以加$6配飲品同埋半價追加小食一款。
海南雞飯份量都幾多，賣相吸引，又有配菜酸蘿蔔、木耳同埋溏心蛋。海南雞皮爽肉嫩，雞肉味道濃郁，可以自行揀白飯或油飯，食海南雞梗係揀油飯啦，個油飯香噴噴，一口飯一口雞，絕配呀！🤤
小食方面揀咗蒜香雞軟骨，金黃香脆，蒜味十足，非常惹味。😋
○●○●○●○●○●○●○●○●○●○●
泰式豬仔脾飯套餐🐷
泰式豬仔脾非常入味，皮爽肉嫩，豬皮骨膠原滿滿，送飯一流。
小食泰式蝦餅🦐金黃酥脆，蝦肉爽口彈牙。
Post
