農場

Open Now

Now Closed

是日經過西環就四圍搵食一下，雖然好少黎西環呢一區，但就咁行下已經好多餐廳，好多選擇。行左一陣就見到一間新開既平民西餐廳就入去試下。南瓜湯跟餐的南瓜湯十分幼滑香濃，沒有沙沙既感覺，飲落去有南瓜的清甜，沒有加任何味精已經十分好味。一級肉眼扒($92)黎到西餐廳就梗係試下扒餐啦，點左一個肉眼扒配薯菜。肉眼扒要左五成熟，上菜已經聞到好香既黑椒汁味。肉眼扒份量好多，佔左碟既一半位置，四份一係薯條另外四份一係蔬菜。整個配搭都唔錯，切開肉眼扒十分嫩，五成熟剛剛好，肉質維持係十分幼滑既狀態，加上廚師先調好味再煎及濃濃的黑椒汁，食落十分惹味，不用幾分鐘已經俾我食晒落肚。龍鳳雪碧(跟餐加$5)好少餐廳有得既龍鳳雪碧，有醃好的咸柑桔再加上新鮮檸檬配搭雪碧，有咸香及檸檬的清新及酸味，加上汽水，令你食完一餐可以幫助到你的消化。