網紅冰室 (Closed)

晏晝早食飯，做完嘢有啲肚餓，於是特登搭車去網紅冰室 high 個 tea。試咗佢哋嘅網紅黃金磚。超巨型，嚇親！呢個特色西多士好特別，餡料除咗有芝士同火腿外，仲夾咗好多豬肉鬆，炸好後面層淋咗好多蜜糖芥末醬，集甜、鹹、酸於一身。再加上西多士炸得好乾身，一啲都冇油淋淋，而且好軟熟唔熱氣，所以咁大件食哂都唔會膩。正！如果未試過味道咁複雜嘅西多士，一定要嚟試下！佢仲有白金磚架，下次試埋先。