Video
Read full review
2016-08-21
3682 views
但係勁後悔貪佢快冇人排貪走入食,服務除咗門口個姐姐仔之外,連黑衫既態度都衰到冇人有1)張櫈污糟咗有鼓油係到希望佢換咗張,第一個亞姐答我人哋個張都係咁嫁啦.咁你唔換我自已換囉,當時大把櫈冇人坐,又唔比, 咁我咪企係到囉,亞姐勒令我坐底,亞姐,一PAT鼓油雖說已經索咗入去但我摸到粘粘地,我都係驚整到個PAT PAT污糟啫,你哋可能慣咗黑色衫公司洗冇所謂,但我係喎.我條裙淺色同埋我要自已洗,可能你哋係後欄慣咗污糟,當廳面都係後欄掛,2)PAT低二碟前菜後,我點叫人都冇人應我落單,好忙咩,忙吹水死未,幾個女既圍住個男黑衫係到係咁傾傾傾,傾得興起仲摸下個男黑衫手肶,你情我願既又唔係話唔得,一來應咗我幫我落咗單先再傾好唔好,唔該,二來廳面囉,好好睇咩3)叫乜冇乜,我想叫澳龍食,佢話太夜冇啦.睇一睇錶,嘩,乜成夜上8點鐘嫁啦.唔好意思囉,我係6點放工,執埋手尾6點半落車場攞車,再返娘家兜埋二老,再嚟到新都會廣場塞入去停車場,入到去泊到架車再一路行一路睇下有邊間唔駛等位,結果路經既間間都要等,行下行下先上到嚟,再浪費咗15分睇你哋吹水冇人應我既情況下,我8點先叫到你埋枱落單,咁就太夜咁咪當係我錯囉,8
1)張櫈污糟咗有鼓油係到希望佢換咗張,第一個亞姐答我人哋個張都係咁嫁啦.咁你唔換我自已換囉,當時大把櫈冇人坐,又唔比, 咁我咪企係到囉,亞姐勒令我坐底,亞姐,一PAT鼓油雖說已經索咗入去但我摸到粘粘地,我都係驚整到個PAT PAT污糟啫,你哋可能慣咗黑色衫公司洗冇所謂,但我係喎.我條裙淺色同埋我要自已洗,可能你哋係後欄慣咗污糟,當廳面都係後欄掛,
2)PAT低二碟前菜後,我點叫人都冇人應我落單,好忙咩,忙吹水死未,幾個女既圍住個男黑衫係到係咁傾傾傾,傾得興起仲摸下個男黑衫手肶,你情我願既又唔係話唔得,一來應咗我幫我落咗單先再傾好唔好,唔該,二來廳面囉,好好睇咩
3)叫乜冇乜,我想叫澳龍食,佢話太夜冇啦.睇一睇錶,嘩,乜成夜上8點鐘嫁啦.唔好意思囉,我係6點放工,執埋手尾6點半落車場攞車,再返娘家兜埋二老,再嚟到新都會廣場塞入去停車場,入到去泊到架車再一路行一路睇下有邊間唔駛等位,結果路經既間間都要等,行下行下先上到嚟,再浪費咗15分睇你哋吹水冇人應我既情況下,我8點先叫到你埋枱落單,咁就太夜咁咪當係我錯囉,8點太夜我真係唔知D亞姐咩纙緝思維囉.
4)係叫乜冇乜既情況下,澳龍冇,扇貝又冇,烤鴨又冇,海魚又冇,叉燒冇,燒肉冇,連孖寶都冇,咁我咪唯有問亞姐咁請問有咩有呢,因為已經來來回回3次落完ORDER又返轉頭又話冇,佢最話答我,"咁我睇下今晚有咩賣餘囉" 咁啫係咩意思呢,賣D賣唔晒既野比我,咁係咪仲要多謝您肯賣D賣唔晒既野心我比錢食呀.
5)算,大家都餓,有乜食乜我都忍你,嘩,唔該晒囉,真係接做晒首尾呼應,D野真係賣唔出,我叫熱盤但嚟既都係冷盤溫度上.
呢間真係永不回頭.
結果呢餐埋單後要真係再去食去多餐雲吞面囉....
Other Info. :
一開始本來冇打算寫食評(因為之前就算點差既我都唔想浪費時間去寫衰人)但呢單堅例外,所以一張相都冇影相,最後埋完單後我先上網睇食評,真係覺得好後悔遲咗先睇OPENRICE.唉.我真係超中伏.衛生因為第二日我哋都冇肚痛就比二粒星
(The above review is the personal opinion of a user which does not represent OpenRice's point of view.)
Post