Video
Read full review
2008-03-25
29 views
新A/C Mgr 講咗三個月, 終於有機會請我哋嚟呢間日式Buffet 食嘢!我哋 book 咗星期六(仍然係紅假期) 既中午12:00, 雖然可以食到四點, 但我哋要返公司埋數, 所以最多只能食兩個鐘咋!A/C Mgr 話兩年前嚟食過幾得, 雖然啱啱一、二月時加咗價,由$128 加到$168, 但唔收加一都叫做OK 啦~~老實講, 如果唔係有人請, 我諗我都冇乜興趣入嚟試......大門口都OK, 不過坐落就麻麻哋, 比較窄。見到張點菜紙, 真係如網友所講, 好浪費... 其實佢印雙面, 或好似啲迴轉壽司店咁分開種類cut 一張張細紙仔仲好啦!又Set 咗每次落order, 一檯人最多只可以安人數叫六至十二款食物, 咁做乜要咁大張紙呢...落咗第一轉單後, 佢哋先畀咗六碗仔前菜我哋食住先,以為有咩食啦~ 點知一放底... 嘩! 唔係呀! 我哋成七個人喎!每碗仔得咁少, 又唔凍又唔好食, 尤其是中間個碟, 都唔知係乜!!右手邊果碗叫「泡菜」喎~~ 冇色冇乜味, 唔講我諗大家都諗唔到係泡菜添呀!咁樣搞法, 不如唔好畀我哋食啦! 根本就唔會食, 簡直係浪費資源呀!先嚟啲要自己燒既食物, 呢
我哋 book 咗星期六(仍然係紅假期) 既中午12:00,
雖然可以食到四點, 但我哋要返公司埋數, 所以最多只能食兩個鐘咋!
A/C Mgr 話兩年前嚟食過幾得, 雖然啱啱一、二月時加咗價,
由$128 加到$168, 但唔收加一都叫做OK 啦~~
老實講, 如果唔係有人請, 我諗我都冇乜興趣入嚟試......
大門口都OK, 不過坐落就麻麻哋, 比較窄。
見到張點菜紙, 真係如網友所講, 好浪費...
其實佢印雙面, 或好似啲迴轉壽司店咁分開種類cut 一張張細紙仔仲好啦!
又Set 咗每次落order, 一檯人最多只可以安人數叫六至十二款食物, 咁做乜要咁大張紙呢...
落咗第一轉單後, 佢哋先畀咗六碗仔前菜我哋食住先,
以為有咩食啦~ 點知一放底... 嘩! 唔係呀! 我哋成七個人喎!
每碗仔得咁少, 又唔凍又唔好食, 尤其是中間個碟, 都唔知係乜!!
右手邊果碗叫「泡菜」喎~~ 冇色冇乜味, 唔講我諗大家都諗唔到係泡菜添呀!
咁樣搞法, 不如唔好畀我哋食啦! 根本就唔會食, 簡直係浪費資源呀!
先嚟啲要自己燒既食物, 呢個係「韓風帶子生熟蝦」, 就咁睇賣相有啲嘔心...
即係放係呢度燒, 另外仲有唔同款既肉(雞、牛、豬、羊等)可以燒,
不過全部?落都唔多新鮮, 所以只係人哋燒咗一片雞先食, 其他冇食過!
帶子同蝦燒出嚟冇咩驚喜, 味道又冇乜特別, 但又未至於難食,
不過我就冇乜興趣自己燒啲生肉或海鮮, 可能比較鍾意食刺生啦~
所以早已決定留肚, 唔食咁多熟食住!
再嚟「牛油炒雜菌」, OK 幾好味, 但我哋叫咗三碟架喎! 份量少到咁.............
跟住係「日式牛肉鍋」, 又係普通, 啲材料都唔靚, 唔新鮮, 感覺好求其!
自己出去吧檯拎既「麵豉湯」, 裡面有一粒好難食既蘑菇,
好難飲, 完全係一碗味精湯, 離譜咗啲喎!!
仲差過自己係吉之島十蚊店買既十蚊三/四包即沖「麵豉湯」!!
「南瓜蕃薯天婦羅」, 呢個又係勁差, 個樣似街邊五蚊三件果啲煎攘三寶囉!
仲要炸到燶咗少少, 見到都唔想食, 又冇畀天婦羅豉油!!
「米子皮蝦卷」, 超難食! 勁後悔咬咗一啖! 裡面"淋淋哋", 又凍, 好怪呀!
「吉列蠔」, 咁多炸粉, 又熱氣又肥膩, 加上啱啱食咗啖「米子皮蝦卷」, 諗起都想嘔, 炸嘢唔食!
等咗一大輪(之前仲有一堆食物, 普通又冇乜賣相, 所以冇心機映相),
要吹先嚟第一盆「刺生」, 咩意思呢?
啲拉麵烏冬又即落即到, 即係想食飽我哋先啦!
(上至下, 左至右) 有響螺片、原隻小八爪魚、吞拿魚、
北寄貝、三文魚、子持喜靈魚、甜蝦、魷魚、劍魚,
但我仲叫咗鱆紅魚, 冇嚟到!
呢盆嘢啲甜蝦「叫做」OK 新鮮, 三文魚中等,
其餘都覺得係惠康、百佳貨式囉.......................
吞拿魚唔新鮮, 冇味, 簡中有渣, 北寄貝又係唔新鮮, 唔知食乜, 劍魚又係唔夠新鮮!
特別差既係響螺片同魷魚, 咩嚟架... 生定熟架...
子持喜靈魚好難食, 同事食過一次, 全部叫我唔好再落order!
原隻小八爪魚又超唔新鮮, 咬唔開, 好似有根咁! 呢啲都千奇唔好落order!!
呢個又係吧檯自取既「炒鳥冬」, 我冇食, 見到都冇興趣,
佢哋都話嘛嘛, 最後都係食唔晒叫人收噃佢。
「蟹籽沙律」, 又係離譜! 啲蟹籽「多到」你唔信!
咁唔好叫「蟹籽沙律」啦! 叫「青瓜沙律」咪算囉!
仲要啲沙律醬味好怪, 唔係變咗, 講唔出咩味, 同平時食開既唔同, 又唔夠凍...
最後食淨三分二碟叫人收走佢!!
「雞軟骨串」, OK, 都熱同脆, 但未吸引到我叫第二轉。
「雞骨腸」, 呢個都算合格, 又係夠熱, 不過比起出面食到既差好遠,
比較多肥膏同油膩, 但同其他食物比較, 已經叫做好好多................
「白汁煮田螺」, 懶靚咁, 食落味道太普通, 又係食完都唔知食乜!
「木糬糕炒時菜」, 嘔血, 呢碟叫咩國家既菜呢? 中式唔中式, 日式唔日式, 韓式又唔韓式咁,
賣相又差, 想點?! 自己炒肯定仲好食過佢! 仲要呢度成本頂晒籠都係$1 囉!!
「免冶三文魚軍艦」, 普通, 金太郎貨式。
其餘壽司有三文魚、鱆紅魚、甜蝦、蟹籽軍艦及蔥吞拿魚軍艦,
最後一批食物, 望落比較有睇頭, 但其實望真啲,
樣樣都唔合格!! 最離譜係三文魚, 睇下! 特登唔切邊邊啲肥膏架!
大佬呀! 呢個位惠康、百佳都係特登切走佢, 另外放開一碟當次貨賣,
仲要寫明「請煮熟食用」, 搞錯呀!! 呢個位好肥膩架! 又鯹又"漏喉",
食完都冇胃口食其他嘢啦! 即係擺明唔想我哋食咁多嘢啦!! (老闆既目的??!)
鱆紅魚望落去好似OK, 但食落又係唔夠新鮮, 所以冇乜味同完全唔甜唔鮮囉!
最好叫做係甜蝦, 仲新鮮過刺生, 不過都只係屬於迴轉壽司店既$9-$12 貨式!
蟹籽軍艦, 我冇食到, 但望個樣又係麻麻...
仲有蔥吞拿魚軍艦, 好心啦! 唔係有心做靚壽司就咪整呢款壽司啦!
完全食唔到有蒽, 啲吞拿魚唔駛講都知冇味啦! 都唔好講鮮唔鮮味......!!
仲要睇下最前果件, 啲蟹籽可以整到去前面既? 咁都出得街???!
而且啲紫菜全部都"淋"架! 包到咁樣衰, 又散又變形, 簡直不知所謂!!
仲有呀! 我哋前後落咗六次刺生, 但坐咗兩個鐘只嚟咗三次,
啲刺生既質素仲要一次比一次差, 越食越難食!
吞拿魚越嚟越"梅", 三文魚越嚟越多邊邊既肥膏位, 甚至少少皮!!
甜蝦都越嚟越唔新鮮同垃圾, 其他唔駛講, 由頭到尾都咁差!
佢哋亦好明顯「選擇性上菜」, 如果落壽司order, 會快好多好多送到嚟,
刺生就要起碼吹一次先上檯!
對我嚟講, 更加冇咩好食, 太多煎炸嘢、熟食同肉,
唯一兩款熟菜類都畀我哋食咗 (蘑菇及炒時菜),
刺生啲質素又咁樣...................... 都唔知係咪做生意架!
另外仲食咗炸魚餅、炸餃子、白酒煮青口(佢哋話冇酒味喎!)
燒雞翼、燒多春魚、芝士焗餃子(我冇食, 買賣似煎成餅狀既白魚蛋), 呢啲我全部都冇食!
茄醬蜆肉意粉, 有肉既蜆得三隻, 啲茄醬冇味, 好差呀...........
個吧檯有Wasabi 自取, 及自選沙律, 不過見到都冇興趣食!
另外仲有白飯、紅米飯、咖哩同同事拎噃嚟既炒烏冬囉......
仲有想講呢度真係好浪費,
第一、落order 紙係A4 白紙, 單面印!
第二、每落一張order, 都會出張飛仔比你, 但唔一定代表嚟得齊!
第三、每次嚟個刺生盆都放超勁多紅蘿蔔絲係底, 又唔食得, 懶大份咁!!
啲菜名又唔多清晰, 好似咩叫「生熟蝦壽司」呢? 即係生定熟???
但張order 紙上面又有「甜蝦壽司」架喎... 最後當然冇落order 啦!
後來問個女侍應(Yan), 佢就好簡單咁答我: 「半生熟囉!」吓... 半生熟.....................
所有食物一碟意思即係一小件, 但又最多只畀人落order 要兩至三碟,
佢個計法如下:
1 至3 位最多六款, 每款兩碟
4 至5 位最多八款, 每款兩碟
6位以上最多十二款, 每款三碟
唉! 我哋七個人, 咁樣落order 法又嘥紙, 佢哋又九年都唔嚟啲食物,
仲要「選擇性上菜」, 有段時間我哋真係七個人都坐晒係度等食囉!!
星期六$168 又唔包飲品, 所有飲品及甜品要另外用正價買,
飲品十幾至廿幾蚊不等, 一個小球雪糕$8 - $12, 唔會食啦!
另外仲想投訴一位年青女侍應, 叫"Yan",
由頭到尾都只見佢個樣無離心機, 叫佢做嘢又即刻黑面,
雙眼永遠半開, 又完全冇笑容, 死下死下咁!
喂! 唔想做咪搵過第二份工囉! 咪搞到啲食客冇晒胃口先得架!
真係食到一肚氣! 不知所謂! 唔會有下次!
Post
