石磨坊 (Closed)

叫左兩款甜品，一款係鮮果紅豆爽珠，另一款係芋容刨冰。首先鮮果紅豆爽珠來到面前，感覺超搵笨，罐頭生果扮新果，唯一新鮮係幾粒一毫子大細的士多啤梨，罐頭桃一大堆。問個服務員佢就話係新鮮，未當我傻罐頭桃都分唔出。之後來個芋容刨冰，同我係另一間石磨坊食好唔同；一句講晒芋容無芋容味，涼粉得5大粒，冰就一大堆。如果我要食冰，去7仔飲思樂冰未仲好。唔怪得整間鋪無人，對面其他糖水鋪就人山人海。