薩莉亞意式餐廳 (港灣豪庭廣場)

Open Now

Now Closed

剛剛港灣豪庭新開的薩莉亞帶埋小朋友一起去試下。店內裝修簡潔，寬敞座得好舒服。有飲品吧無限暢飲，大人13蚊，小朋友8蚊，感覺好抵，飲品其實無咩特別，不過選擇多又可以自己裝小朋友特別鐘意。脆焗香味雞球HKD20: 鐵板上枱，熱辣辣，好香脆，唔錯幾好食。原味雞翅4只HKD20: 圖片有辣椒🌶️，以為會辣，但系一Ｄ都唔辣，小朋友都可以食，好食😋煙肉菠蘿薄餅HKD30: 煙肉太乾偏硬，餅底薄都香脆，一般。肉醬多莉阿HKD30: 肉醬味道好又多芝士，OKM墨魚汁意粉HKD33: 有好多魷魚偏韌，但系個意粉味道好食😋整體來講唔錯，價錢便宜，適合一家大細來食。