富臨皇宮 (Closed)

成日都黎富臨飲茶，但第一次黎打邊爐，佢做緊promo四人同行一人免費，假日四個人加埋都唔使四百蚊，真係超平。除左價錢抵之外，啲料幾新鮮，又唔會漏單，啤酒汽水醬料自助形式任攞，都幾方便。當晚有這幾款啤酒汽水。落餐紙，款式唔算多。叫左鴛鴦湯底，一邊沙嗲，一邊蕃茄蘋果蘿蔔芹菜嘅清湯。味道唔錯，食完無口渴，應該唔係好多味精。缺點是碟頭太大，叫一次已經唔使再落order。以上全部為一份嘅份量，一碟丸有成十幾粒，炸魚皮一大盆，伊麵係成個麵餅上等。人多share就ok嘅，當晚只有四個人，只能叫少一點款式了。另外，肥牛太肥，基本上係白色一片，搞到煲湯底超油。魚頭好新鮮，讚～仲有呢個竹筒糯米飯，糯米煙韌加埋臘味炒又香又入味，一流！如果茶市都推出呢個就好了，肯定受歡迎。自己懶得洗煮又想打邊爐，這裏絶對抵食，最愛佢係自助攞啤酒汽水，唔使睇夥計白眼。有啲要落單先有嘅任飲任食，叫極都唔黎，又或者自動減少份量，呢度唔會發生，而且夥計態度幾好，有主動斟水，不過收碟就差啲，成日都堆到成枱係碟。唔知promo做到幾時，有時間再黎食。