Video
Read full review
2020-11-09
399 views
食過幾次，以往味道一般，勝在平同大碟，所以都有繼續食。點知前幾日去食，中大伏！嗌左個鮮蝦炒金邊粉，攞嘅時候見幾有色水，條條麵都好橙，自然以為味道都應該唔差啦。第一啖，嘩！唔係講笑！無味架喎！我以為自己味覺有問題啦，就叫2位屋企人幫口試試佢.....佢哋食完簡直懷疑人生，有色無味係咩玩法？本身都諗住由佢啦，拿拿臨食完佢算，但食多兩啖之後真係頂唔順，心諗咁大碟點哽呀？抱住想提點黃店心態去同店員講啦，真係好有禮貌好聲好氣咁講啦，店員就話幫我再炒過加番啲調味比我啦，企店面果個人幫我攞左入去炒，另一個人就同人我講：可能係你食得重口味姐，我地個個客都係咁食嘅。我話：我食過呢間幾次，唔算正宗，但唔會無味，但呢碟應該有嘅甜酸味，茄汁味都冇喎，唔信你地可以自己試下。佢話：我地都係咁食嘅！我心諗真係祝你地生意興隆🌝個姐姐炒完攞出嚟話得啦！加左味比你啦！我拎埋位一食，酸臭到傻左！佢好似倒左成支醋落去咁喎！泰式炒金邊粉調味係落醋？我心諗算啦！當捐左42蚊比佢，越諗越嬲，我一心想幫襯黃店，但你整啲咁嘅野我食，同場真係唔少黃店，揀左比你賺，但原來你咁對待客嘅，我比其他有心嘅黃店賺唔好？嬲嬲地，番去同佢哋講話完全食
點知前幾日去食，中大伏！嗌左個鮮蝦炒金邊粉，攞嘅時候見幾有色水，條條麵都好橙，自然以為味道都應該唔差啦。第一啖，嘩！唔係講笑！無味架喎！我以為自己味覺有問題啦，就叫2位屋企人幫口試試佢.....佢哋食完簡直懷疑人生，有色無味係咩玩法？本身都諗住由佢啦，拿拿臨食完佢算，但食多兩啖之後真係頂唔順，心諗咁大碟點哽呀？抱住想提點黃店心態去同店員講啦，真係好有禮貌好聲好氣咁講啦，店員就話幫我再炒過加番啲調味比我啦，企店面果個人幫我攞左入去炒，另一個人就同人我講：可能係你食得重口味姐，我地個個客都係咁食嘅。
我話：我食過呢間幾次，唔算正宗，但唔會無味，但呢碟應該有嘅甜酸味，茄汁味都冇喎，唔信你地可以自己試下。
佢話：我地都係咁食嘅！
我心諗真係祝你地生意興隆🌝
個姐姐炒完攞出嚟話得啦！加左味比你啦！
我拎埋位一食，酸臭到傻左！佢好似倒左成支醋落去咁喎！泰式炒金邊粉調味係落醋？
我心諗算啦！當捐左42蚊比佢，越諗越嬲，我一心想幫襯黃店，但你整啲咁嘅野我食，同場真係唔少黃店，揀左比你賺，但原來你咁對待客嘅，我比其他有心嘅黃店賺唔好？
嬲嬲地，番去同佢哋講話完全食唔落，點知佢哋反番我白眼轉頭！之後態度勁差咁話換比我，我仲敢食咩？我唔係要攞番錢，只係想比佢哋知佢哋嘅食物水準真係超差，跟住我就掉左碟麵啦。
Post