味力曼谷

Open Now

Now Closed

食泰國菜就唔一定去九龍城既去西九龍中心頂樓一樣有依到有幾間泰國菜都整得唔錯CP值又高 泊車又易係啲櫈難坐啲味力曼谷既炒野係炒得特別好尤其係個牛河色香味俱全仲有杯菊花茶解下膩不過個牛河就要趁熱食凍左就冇咁好食個蝦醬炒飯又係唔錯蝦醬味重得黎就唔會太咸因為佢放左成堆肉鬆係個面到撈堆食就中和左個咸味又有層次感仲跟碗湯飲下 而且都幾好飲唔係一般果啲淡茂茂既例湯黎個拼盤好大份個蝦就霉左啲不過其他小食都係水準之上不亞於外面既泰國菜館咁碟馬拉盞芥蘭就不過不失啦都係應該有既味道但個椒鹽白飯魚就唔得既啲炒仲厚過條魚個炸皮又硬 調料又咸都係正正經經食碟炒粉麵就冇死

不知為何，每一次上到來西九龍中心，我主力都係搵泰國菜食。我主要，都係想食海南雞飯。而且，這一個 food court，泰國菜既選擇又真係多，而且，有一次在星期日來，發現到場內的印印姐姐們，最愛食既，都係東南亞口味既食品，而泰國菜也就是十個有九個姐姐都會在場內歡暢地食用的。所以，場內的泰國菜，真的是試不完的。而這一次，我就選中了《味力曼谷》來試個好壞。去到西九龍中心，要選擇食泰國菜或其他東南亞口味食品的話，我都會試他們的海南雞飯。這是一個很泰國式的海南雞飯，無骨，雞油飯，再配以青瓜及酸菜。油香中亦帶點清爽的口感。雞是香滑的，但雞肉本身的味就不太突出，只可當一份祛骨既港式白切雞飯咁食。該日，我加一個泰式鳳爪作為小食。既酸又辣的味道的確是好，而鳳爪也爽口。之不過，也許這食品比較少人點，出來的泰式鳳爪好重雪水味之餘，仲食到有冰，失分。隔了一陣子來，眼見這兒有大量的工人姐姐幫襯，泰式乾炒魷魚河。這是一個有港式風味，也有泰式風味的美食。豉油王份外的香，而且加了一些屬於東南亞的香料味道。是令人感滿意的一碟泰式炒河粉。小小的總結就是，這是一個好壞參半的食事處。

👍👍👍👍👍也許是香港最美味、最扺食、服務最好的泰國海南雞飯。 當我參觀蘋果購物中心時，我被香港超級著名廚師秘密美食評委發現的冠軍雞飯的大海報所吸引!有那麼好吃嗎？ 所以我嘗試到8樓。 然後我發現一個非常好的女士穿著傳統的泰國服裝在這個櫃檯為她的顧客服務。我想那天他們可能有一些促銷或節日活動。 非常擁擠。因此我第二天又回來嘗試他們的泰國菜。 這次那位女士換了休閒裝，但仍然很友善，微笑著為我提供了他們的泰國海南雞辣湯麵條和炸蝦餅。 下週當我回來時，櫃檯的廚師/店主也非常樂意接待他們的顧客。 當然，我一定要嚐嚐他們在比賽中獲勝的泰國海南雞。 肉真的很滑，配米飯和辣湯都很美味。 只有一個字：太棒了！ 尤其是米飯，味道鮮美，有光澤。炸蝦餅熱騰騰的酥脆可口，富有彈性。雖然他們是冠軍得主，但是他們的態度卻很謙虛，很好！👍👍👍👍👍如果你喜歡街頭美食風格並且不介意飲食環境平民，你可以嘗試!

陪阿哥去西九龍食嘢，佢就係為咗呢一間特登嚟😇不過我覺得有啲多油，係有好香口嘅 不過呢個food court嘅環境同埋衛生情況爭少少佢呢個嘢$58，但係個樣唔錯個蛋好香好好味沙嗲醬都好好味提提大家記得唔好要湯要嘢飲，紙包嘢飲冇咁伏 個湯嘅味有啲奇怪冇飲到

九龍區生飯堂，美食廣場形式，自助購票取餐，價錢由$30~$50左右，大部份都是套餐，有湯或者有飲品。商場有冷氣。附近都是舊城區，北河街，鴨寮街。溫馨提醒，人多擠迫注意自己財物。

呢間已經幫襯過好多次，係西九龍中心入面我數一數二喜愛嘅泰國菜！ 佢哋嘅海南雞飯攞獎。試過的確好幼嫩，雞味濃 。菠蘿雞絲炒飯用返海南雞去炒，採用新鮮菠蘿，超大份量，次次都食唔曬。跟餐仲送熱菜蜜同椰子雞湯。40幾蚊價錢超抵食！長期排隊，但係上菜速度快，去到先叫都係等唔到十分鐘就拎得，回頭率同性價比 極高！💡💡💡💡💡另外都推薦佢哋： 冬陰功湯底， 蝦醬炒飯同豬頸肉，基本上全部嘢都好食！👅👅👅👅👅

喺呢個美食廣場有好多嘢食，花多眼亂。呢間有聽過人推薦，一於試吓。泰式貴妃無骨豬髀飯$42豬髀炆得好腍，醃得好入味，再點埋獨有醬汁，有少少辣，酸酸甜甜咁，食落好開胃！仲配有青瓜，酸蘿蔔絲同煎蛋，青瓜點豬手嘅特製醬汁估唔到都好夾；煎蛋就煎得好靚。除餐附送湯同埋熱菜蜜。我以為個湯只係味精湯，點知飲落好清甜，有雞件、少少鳳爪，椰肉，雞真係食到有肉，椰肉有咬口，超級足料！估唔到除餐附送嘅湯都咁有誠意，食完大滿足！

西九龍中心尋尋覓食 😁相信唔係住喺深水埗嘅街坊，都知道呢度嘅頂層有好多美食，選擇極多，當然如要求要食埋環境，咁呢度就唔係你杯茶了，但整體衛生程度亦可接受 🤪包括 : 四川菜，泰國菜，韓式炸雞，日本餐，台式 .... 種類繁多，未能盡錄 😉今次同友人 繞場一周 之後，決定要試吓呢度嘅泰國餐，因為確實咁多餐廳係得你係最多人流，果然不負所望呀！🉐1) 泰式海南雞 🐓選用走地雞已加分不少，再加上做得非常嫩滑，必試 item2) 麻辣牛柏葉 🐂作為一個開胃冷盤，你真係居功之偉，滿滿麻辣口感直轟味蕾，喜歡食辣嘅朋友一定要試 🤗( 此小食購自另一小檔 )3) 泰式炒通菜 🍃通菜非常爽脆，芡汁略帶咸香，真係飯都食多幾碗 😅3 個餸再加 2 杯飲品都不用 $250，抵食指數爆哂燈，一定會回頭啦 🤗

【#海南雞皇🐔 】#味力曼谷 之前係西九龍中心留意到有唔少人去依間食，望到門口張相寫住「比賽第一」海南雞飯😂 咁猛料當然要去試吓你隻🐔成個餐跟湯送西洋菜蜜，所以亦都比同場貴$2收$42。「比賽第一」喎，梗係充滿期待啦😎 先試啖湯，好熱😁有椰子香味，有兩片椰子兩件雞，椰子好硬咬唔開，雞就淋晒可以食吓，不過都係D唔會食既部分。熱西洋菜蜜都幾好飲，唔會太甜亦太淡，味道幾好。主菜一大碗裝海南雞飯，講賣相就一般🤔 飯食落算正常，份量幾多，點辣醬食會更好味。最期待既冠軍雞，亦都係最失望既💔 肉質比較實，同一般既出品相若🙄 就係一個幾普通既海南雞飯。可能冇比較就冇傷害，唔係食過同場另一間既話，可能依間都算唔錯。但相比之下，真係失色不少。我唔知佢個比賽係咩啦，可能係我唔識欣賞😣推介指數：5/10@foodiehck2022 #港飲港食 #西九龍中心 #深水埗 #深水埗美食 #泰國菜 #椰子雞湯 #海南雞飯 #抵食

一直間中都有係度買嘢食，因我今次買外賣咁岩企咗係出面等，廚房有布簾擋住，入面個廚師一直keep住同出面收銀阿姐吹水，好快佢就煮完拎出來，但佢揭開布簾後竟然係冇戴口罩！即係成個煮食過程佢都係一路口沫橫飛聊天一路煮嘢，毫無衛生意識囉！疫情底下仲係日日過萬宗確診，深水埗仲係疫情重災區，身為廚師竟然仲唔戴口罩，啲食物都唔方衛生得去邊，此事已令我十分反感下次唔會再幫襯了。

聽說西九龍中心8樓的food court有數間好吃的海南雞飯，有一間已另覓地點，另一間想吃的又已結業結業，那就隨便找一間試試。在 味力曼谷 叫一個招牌極品無骨海南雞飯，配上椰子雞湯和西洋菜蜜。椰子雞湯非常鮮甜而且不會油膩，無骨海南雞幾嫩滑，其中有部份是雞胸肉但都算腍，金黃的雞皮爽身，跟雞肉一起吃特別滋味，油飯粒粒分明有帶椰香，超值啊。蝦醬炒飯 夠鑊氣香到不得了，我好喜歡炒飯中的豆角，增加不少口感，飯面鋪滿金黃色的蛋絲和乾身的肉鬆，滋味無窮又大碟，還有餐湯和飲品，不錯的泰菜之選。

今日放假好耐冇嚟過呢間所以呢返下，都係食返之前食過嘅海南雞飯，味道都係同之前一樣 咁好味，見到有變嘅係佢哋送嘅湯，由之前嘅薑酒雞湯變咗做椰子雞湯個湯都唔錯下次再試下其他嘢

買左一個馬拉盞牛肉炒飯$45 一個海南雞湯飯$50 雞肉串燒 $12 牛肉串燒 $13 ，首先飯係用劣質既大陸米，遠遠已經聞度果陣味， 牛肉同雞肉串燒係又乾又<鞋>，海南雞湯飯裡面有蟲，醬汁唔係食開既泰國風味，食物味道見人見智，我個人就扔左，浪費左$120，但係衛生情況就真係重要，所以唔會再幫襯。

又係去返最抵食喺荃西九龍最抵食嘅food court我睇喺西九龍裏面最多嘅選擇就係泰式海南雞因為呢度嘅賣泰式海南雞嘅餐廳有起碼五間，今日就試咗呢間呢間好似比較多人同埋佢有泰式海南雞湯檬成日都食油飯想試下檬粉，首先講下佢嘅份量計就反而唔係好多但係都滿分就好大其實絕對夠食嘅如果配埋個泰式鳳爪著絕對over曬不過我哋兩個人食就啱啱好，未到嚟講呢我覺得嗰個泰式海南雞湯檬就唔夠未有啲淡淡地，反而個鳳爪就做得幾好啲味都出

係深水埗既西九龍中心8樓入面既美食廣場，食既選擇有好多，而今次就想試吓食泰國菜，所以就揀左呢間味力曼谷食下冬蔭功啦～佢地既泰國菜選擇都好大路，基本上平時食開果啲泰國菜都有得揀，而今次就揀左個冬蔭海南雞湯飯，外賣拎走試一試個味道啦～冬蔭海南雞湯飯（$50），佢既冬蔭湯底十分多同足料，冬蔭功湯底味道調味做得唔錯，湯底酸度同辣度都好夾，唔會話太鹹或太辣，而冬蔭功湯底既香料都好足，令到個湯底香味更加出色，而海南雞肉既份量亦都好多，唯獨雞味差左少少，但整體而言都唔錯，尤其係西九龍中心美食廣場入面，以呢個價錢都係唔錯既選擇👍🏻