皇庭匯 (Closed)

今日係農曆大年初四我們喺「皇庭匯」旺角店預訂咗一個鮑魚大盆菜外賣自取返屋企食！今次係我們第一次訂他們出品嘅盆菜！個鮑魚大盆菜嘅材料超級豐富，份量極之十足，賣相亦非常精緻吸引！鮑魚相當大隻，而且炆得好腍，口感好爽滑彈牙！大蝦好新鮮大隻，肉質好鮮甜彈牙！花膠炆得好腍好入味，而且非常厚身軟滑同份量好多！鷄肉嘅肉質相當嫩滑！煎釀鯪魚嘅表面煎得非常金黃香脆，釀鯪魚肉嘅餡料相當豐富，味道非常惹味，肉質超爽甜彈牙！豬肉嘅肉質相當鬆軟，唔會好「嚡」！豬皮炆得好爽口彈牙，而且吸收晒醬汁嘅味道，真係超正超惹味！醬汁嘅味道調教得恰到好處，唔會太鹹！呢個大盆菜真係超級足料同款式種類超多，因為我們十幾人食都食唔晒，真係超抵食呀！溫馨提示：鮑魚嘅數量可以喺預訂嗰陣同店員提出要求因應人數增加！