大發茶餐廳 (Closed)

今日Lunch想食平dd，一心諗住去茶記食個常餐。常餐｜$52火腿奄列，多士火腿少到不得了，勁慳皮，十條都無。雪菜肉絲米粉肉絲？？？我諗佢係想寫肉碎。好立克係米白色既滾水。其實食物味道係正路，同埋都唔會對茶餐廳有咩期望，但係火腿同肉絲少到咁，真係食到有d灰。再加上杯無味既好立克...唯一可取之處就係食物上台係熱辣辣。完。常餐真係翻兜不了，大家唔洗試。見隔離台食碟頭飯，貌似正正常常。大家有勇氣都可以黎試下。