616燒肉酒場 (Closed)

喺大圍有間好有居酒屋風格嘅燒肉店，佢哋仲係由火鍋專門店616所設嘅分支616燒肉酒場。雪•二人特盛套餐呢個餐入面有齊沙律、茶碗蒸、三點刺身、牛肉拼盤、野菜、白鱔、溫泉玉子丼飯、飲品、甜品。勁多嘢食，CP值好高。沙律係番茄沙律，入面有切片嘅番茄，配埋微酸嘅醬汁，仲有少許嘅生洋蔥，食落夠哂清新，酸酸甜甜亦令人胃口大增。刺身三點，款款都新鮮，又夠大件，尤其三文魚更為肥美。茶碗蒸，除咗口感好嫩滑，入面仲有野菌同埋表面有蟹肉，蟹肉鮮甜，野菌有獨特嘅香味，令整體味道變得更豐富。牛肉拼盤有六款不同部位嘅牛肉，有四款不同部位嘅澳洲和牛、一款嘅係黑毛和牛、仲有一款係牛味最濃吓牛肋肉。服務員會細心建議先由淡味嘅黑毛和牛食起，最後先食牛肋肉。黑毛和牛嘅油香最濃，其次嘅澳洲牛嘅油同肉比例較均勻所以食落無黑毛和牛油膩，最後牛肋肉嘅肉味最濃。野菜放埋係牛肉拼盤入面，有翠玉瓜、野菌、紅黃椒各一。白鱔一大塊，服務員會建議先燒肉再燒皮，燒到金黃色就食到皮脆肉嫩嘅白鱔，白鱔夠新鮮，所以肉質口感彈牙，仲有魚嘅肉汁豐富，配埋佢哋秘製嘅醬汁更能帶出鱔嘅鮮味。溫泉玉子丼喺飯面鋪滿香脆嘅紫菜，加入秘製醬汁同溫泉蛋拌入飯中，就咁食都