長發海鮮酒家 (Closed)

難得今日早收工，一於就約屋企出街食啦，聽老豆講屋企附近有間酒樓有做任食火鍋。就聽佢講去試下啦。可能因為未到晚市時間，6：30左右冇乜人，我哋一到就有大枱坐。冇理，把握時間即刻叫嘢食先！肥牛、雞子、牛柏葉、烏冬、鮮蝦雲吞，呢啲絕對係食火鍋必叫㗎啦，質素唔差得去邊，水平一般般，係個肥牛片真心有啲老咗少少。後尾仲補加咗豬肚、魚滑、魚豆腐、響鈴同腸仔。個人最鍾意係鯇魚片同生海蝦，個海蝦好大一條而且夠鮮。最後同大家開估，呢間係位於鰂魚涌嘅長發海鮮酒家。