冧廚 (Closed)

今日約左個朋友食飯，見太耐無食過燒烤，咁就周圍搵下望下，點知比我地搵到呢間超抵又好食嘅放題店。 老闆同我地講有兩個選擇，我地揀左呢個choice，先食雞煲再食火鍋最後就食燒烤。食物既種類， 菜，肉，菇🍄基本上嘅野都有，花款雖然唔多，但食物種類都好新鮮，啲肉都醃得好好味。雞煲，我地叫左小辣，啲雞非常惹味，啲醬汁都好好味，大部分啲雞都係雞髀肉，無嘜骨，我地兩個大男人，勁快就已經清哂。跟住就黎到火鍋，我地淥左啲丸同菜食，雞煲啲醬汁好好味，所以轉左火鍋都一樣好好食。老闆仲好好過黎闆我地好唔好食，非常nice,haha。最後就係韓燒啦，由於我地係食肉獸既關係，所以呢part真係好正， 所有肉都醃得好好食，另外一定要燒菠蘿啊🍍 燒菠蘿超正啊，超甜！ 另外佢仲有好多自家制既甜品，芒果布甸，牛奶布甸，同豆腐花，大家都要留肚試下，都係好好味。咁既價錢有咁多好野食，出面真係唔多，真心要推介，會繼續幫襯。