道鮨日本料理 (Closed)

見到好幾個朋友真心係FB推介「道鮨」日本料理相片，終於訂左星期六去試試，不過朋友食夜晚既Omakase，以一個唔係好捨得洗錢去食飯既人黎講，都係試左午市Lunch Set先😏😏！好彩當日有訂位，可能星期六關係，爆滿，目測一個短短晏晝，都有成廿幾人，幸運地我同朋友坐counter位，見到幾位壽司師傅不斷切切切刺生，真的辛苦了！😍😍😍但經過今餐午餐，我心思思想搵日食埋夜晚😋😋😋Lunch Set揀左我至愛刺生飯即「道鮨海鮮丼」，真心覺得好正好出色，刺生有13款（師傅話其實等同13貫壽司Set），一個碗裝滿刺生，視覺已經好吸引我，食落味道加自制壽司豉油，真係堅好味，啲刺生又新鮮，sorry重點是賣單$238+10%，滿足到不行！🍣🍣沙律前菜，蒸蛋，刺生飯，湯，雪榚，餐茶🍣🍣期待期待期待不久將來，去試試食「廚師發辦」先！