掌壽司 (Closed)

呢間餐廳真心有誠意佢個二人餐真心好夠飽，首先佢個頭盤沙律係整得非常之咁清新，佢用左d 新鮮既水果去做，mix埋d蔬果同蔬菜十分之美味，頭盤已經令人覺得非常之有驚喜。之後個刺身更加係不得之了！！！生蠔夠大隻又新鮮不在話下，佢個螺肉係超新鮮好味到一個點，拖羅一樣係肥美又好味，隻蝦都係超大隻，我好鍾意佢呢種咁大既蝦，佢個蝦頭d膏真心超正。至於佢個壽司都同刺身一樣發揮到水準，每一舊都好新鮮又好好味，我特別鍾意佢個吞拿魚蓉壽司 真心正到傻。最後整多個牛肉火鍋同埋姬松茸湯，十分美味又滋補，另外佢個烤魚都好抵讚 雖然有d多骨但係烤得十分好味，最後仲整個甜品芝麻雪糕真心正到暈左