傷心酸辣粉 (電氣道) (Closed)

⭐️⭐️⭐️📍傷心酸辣粉 (炮台山)~ 同心抗疫火鍋套餐 ($139)• 胡椒豬肚雞煲 • 火鍋配料 (牛肉、腸仔、牛丸、花枝丸、蟹柳、雲耳、生菜、薯粉)🍴而家禁晚市堂食屋企人晚晚煮飯仔煮到好攰😵‍💫，所以為食妹見到呢個火鍋套餐咁平就決定買外賣火鍋，料都唔使買直接有得食，畀屋企人可以休息下😮‍💨見佢火鍋底有四款選擇：重慶麻辣雞煲/胡椒豬肚雞煲/重慶香辣烤魚/老壇酸菜烤魚，屋企人就話想食胡椒豬肚雞，番屋企倒岀嚟發現佢都好足料，超級多胡椒粒，豬肚有十幾塊，而且應該有一隻雞🥳配料就有牛肉、腸仔、牛丸、墨丸、蟹柳、木耳、生菜同薯粉，為食妹自己再加咗粟米同竹笙，可以吸收埋啲湯汁嘛😜首先試咗湯底先，湯底勁重胡椒香味，少少辣勁，唔會太鹹都唔錯😋，再試埋啲雞，雞件雖然多但比較瘦，肉身乾啲不過幾入味，豬肚爽脆有嚼勁，無異味處理得唔錯，份量亦都唔少，淨係雞煲三個人食都已經飽咗一半😂火鍋配料就味道正正常常，腸仔、蟹柳、雲耳、生菜係平時食開嘅普通味道，牛丸同花枝丸就有啲驚喜，幾濃味同彈牙😙，不過牛肉就比較韌麻麻地，薯粉索哂啲湯汁又煙煙韌韌幾好食，不過記得唔好煮太耐呀腍咗就會爛哂夾唔到㗎喇🙈，套餐仲附送紙包飲品2盒嚟