Video
Read full review
2022-02-08
871 views
早前喺IG見到逸東酒店推出$98自助早餐，比原價$200平咗一半有多，所以決定試吓👍🏻早餐時段係6:30-10:30，可以任選90分鐘，我哋驚太晏好多人所以book咗8:30-10:00🙈可能因為星期五，所以唔算好full，枱櫈擺位闊落，出入幾方便🥳疫情之下出去攞嘢食要戴口罩，因此有啲食客會一次過攞幾碟食物，但本身啲食物唔太熱，所以我鍾意食完一碟再攞🤔第一碟係西式焗蔬菜同意粉，普遍所有款式都落重黑椒，一開始會覺得調味幾足，但食食下就會略嫌過多黑椒🧂蔬菜嘅烤焗時間掌握得唔錯，表面乾身會有少少皺皮，內裡就保持到濕潤感😋個人嚟講幾鍾意焗薯仔，有好香嘅香草味，表皮亦夠薄🥰忌廉菠菜完全冇苦澀味，好順口亦好香忌廉味，蝴蝶粉嘅質感唔錯，好有咬口，但醬汁太杰，好快就會膩😗第二碟係麵包類，雞蛋仔可以話係普慶自助早餐嘅賣點之一，我特登攞佢啱啱整好嗰舊，所以好脆、仲要外脆內軟😝奶黃提子酥、朱古力酥、牛角包都有共同問題，就係表面好鬆脆但底部較硬，味道正常但口感就爭啲😣朱古力馬芬超好味，鬆軟得嚟唔會吸曬啲口水，朱古力唔會太濃太膩，食完成個都仲有大量戰鬥力，唔鍾意朱古力亦有另一款口味😎最後焗熱咗塊穀物包搽杏脯果醬
可能因為星期五，所以唔算好full，枱櫈擺位闊落，出入幾方便🥳疫情之下出去攞嘢食要戴口罩，因此有啲食客會一次過攞幾碟食物，但本身啲食物唔太熱，所以我鍾意食完一碟再攞🤔
第一碟係西式焗蔬菜同意粉，普遍所有款式都落重黑椒，一開始會覺得調味幾足，但食食下就會略嫌過多黑椒🧂蔬菜嘅烤焗時間掌握得唔錯，表面乾身會有少少皺皮，內裡就保持到濕潤感😋個人嚟講幾鍾意焗薯仔，有好香嘅香草味，表皮亦夠薄🥰忌廉菠菜完全冇苦澀味，好順口亦好香忌廉味，蝴蝶粉嘅質感唔錯，好有咬口，但醬汁太杰，好快就會膩😗
第二碟係麵包類，雞蛋仔可以話係普慶自助早餐嘅賣點之一，我特登攞佢啱啱整好嗰舊，所以好脆、仲要外脆內軟😝奶黃提子酥、朱古力酥、牛角包都有共同問題，就係表面好鬆脆但底部較硬，味道正常但口感就爭啲😣朱古力馬芬超好味，鬆軟得嚟唔會吸曬啲口水，朱古力唔會太濃太膩，食完成個都仲有大量戰鬥力，唔鍾意朱古力亦有另一款口味😎最後焗熱咗塊穀物包搽杏脯果醬，呢款醬平時好少食，味道幾香，麵包就煙煙韌韌🥖
第三碟嚟個中西合璧，餐廳提供3款點心，分別係素菜餃、牛肉燒賣同馬拉糕，素菜餃層皮超厚，咬落去只食到少少芹菜，唔建議大家攞😥牛肉燒賣都加咗好多芹菜馬蹄，鍾意多啲口感嘅可能覺得唔錯，但我就唔好太重芹菜味🧐馬拉糕嘅味道唔錯，食落好濕潤😌另外亦有中式炒麵，麵條較出面街店粗身，就算凍咗啲都唔會太油膩，食物保暖方面可以做好啲🙈蝦米腸粉有炒過，所以表面會乾身啲，加埋醬料尤其是辣椒油真係食極唔厭🥰
第四碗係士多啤梨乳酪配雜果燕麥同脆米，士多啤梨都係雀X嗰款嘅味道，燕麥煮淋咗但留有咬口，食起嚟唔會太糊狀，加埋脆卜卜嘅脆米就啱啱好😆仲有其他果醬、粟米片可以按個人喜好加入，菠蘿jam幾正又有罐頭菠蘿可以咬下，但車厘子就有浸我唔鍾意嘅藥水味💩
第五碟係即叫即煎嘅食物(唔記得咗影🥺)，有鬆軟熱香餅同嫩滑奄列，熱香餅有唔少配料選擇，我加咗海量忌廉同少少楓糖漿，忌廉輕盈得嚟唔會完全「空氣」，味道同傳統蛋糕嗰啲好似，我幾乎食咗一大碗🤣奄列可以自選配料，我初頭揀咗洋蔥芝士火腿，可能隔住膠板聽唔清楚，最後俾咗蘑菇洋蔥，但都係好味😚芝士只係用最後熱力焗熔，有少少拉絲效果不過仲會食到一條條，雞蛋嘅生熟程度掌握得唔錯，仍然有蛋汁但唔會覺得太生😍
第六碟係冷盤水果、無糖豆腐配油炸鬼，菠蘿多汁唔澀，火腿同鯖魚正正常常，但油醃紅椒嘅味道我就麻麻地，油感太重☹️
第七碟本來想攞雞蛋仔，但咁啱冇曬又冇職員喺麵包區，惟有食返熱香餅配忌廉😛另外仲有蒜蓉炒白菜同咖喱雜菜，咖哩完全係日式咖喱磚配薯仔蘿蔔，炒白菜就正正常常👌🏻
總括嚟講，呢個$98優惠非常抵食，雖然冇海鮮牛扒，但我好鍾意碳水化合物所以食得好開心，個人最推薦忌廉熱香餅、雞蛋仔、馬拉糕同奄列❤️趁優惠未完大家都可以去試試😆
Post
