花居酒屋 (Closed)

今日放假，帶媽咪去食好西，我地今日黎到荃灣食日本菜😍，佢哋嘅日本菜午市套餐做緊買一送一優惠，嘩出去好抵食呀，一個價錢兩款選擇😋。佢哋餐廳有芫荽系列，今次我哋揀咗豚肉芫荽，芫荽味好重，燒得啱啱好，值得推介🎉。今日我哋揀咗極上刺身定食，帶子肥美厚肉😘，海膽鮮甜，油甘魚三文魚肥美，甜蝦大隻，玉子好甜，北寄背唔會韌，爽口👍🏻，套餐包沙律、飯、麵豉湯、茶碗蒸，份量足夠，$168買一送一😍。我哋第二嘅個套餐揀咗極上壽司定食，入邊有10款唔同口味嘅壽司，而我最鍾意嘅係帶子壽司，厚切好肥美鮮甜，鰻魚壽司，會配上鰻魚汁，好好味。