烏龍燒 (Closed)

今日同男朋友食飯，去左旺角行街，之後搵左一間串燒店入去食飯。環境唔污糟，抽煙都算強，食完唔會成身油煙味。男朋友負責落單，簡單叫左幾款串燒試下！餐蛋串串、燒白鱔、皇牌燒牛舌、燒午餐肉、燒3色雞翼、火辣牛丸、香菇貢丸、沙律醬燒蟹棒和金菇牛肉卷。男朋友超鐘意食牛舌，見到餐廳推介皇牌，佢即刻叫左！牛舌厚切爽口，無羶味，焦香香口，中間仲有肉汁！我就鐘意白鱔和蟹棒，魚肉油香豐富，香嫩甘香，蟹棒加入沙律醬燒香，非常滋味！丸類串燒唔乾身，入口香口有汁，水分控制得宜。