熊貓小雲吞 (海富商場)

Open Now

Now Closed

睇完一個有關張國榮嘅展覽就係附近搵野食，行下行下嚟到於大角咀海富商場嘅熊貓小雲吞🐼🍲，呢間餐廳主要係食川菜，最出名係佢哋嘅雲吞同麵，價錢都好平民化 💰。今次我哋兩個人食咗三人餐，唔使怕肚餓啦！🤤主菜有3樣，首先係一口豚肉粟米雲吞配蕃茄湯底 🐷🌽🍅。雲吞餡料飽滿😋跟住係油蔥酥肉燥熱撈麵，我揀咗幼麵 🍜。麵條好彈牙，加上肉燥同花生、芫荽同炸黃豆等配料，好滿足。記住要留意襯熱食，凍咗就會變得乾身啦！🌶️最後一款主菜係老北京擔擔麵，我揀咗唔辣，味道同外面嘅擔擔麵略有不同 🍜。麵條粗身，湯底更多菜脯、花生同花生嘅滋味，令人垂涎欲滴。不過係啲食開辣嘅可能會覺得少咗啲刺激，下次都係試BB辣。🤔餐廳嘅小食非常豐富，我特別推薦佢地嘅芝麻鹽焗手撕雞 🐔🧂。啲雞肉好滑嫩，食落有鹽焗雞味，個底仲有青瓜絲，真係好好味！另外，涼拌海帶絲 🌊🥢 亦都係唔錯嘅選擇。佢嘅醬汁酸酸辣辣，食落去幾爽口，十分適合夏天食用。啱啱食完辣嘅野，要食個涼嘅甜品解解辣，我地叫咗個家製熊貓涼粉。涼粉清涼冰凍，食落去滑口爽滑，加埋蜜糖，味道清甜！🍧🍯飲品有3枝:香桃茶 🍑🍵：桃香嘅味道就好特出，一飲落口已經聞到濃濃桃香味，飲落唔會覺得太甜。