Video
Read full review
2021-02-05
38 views
今日喺大埔中心買完野，未食lunch所以諗住食個tea，好耐冇去台灣，又好掛住啲台灣地道美食，諗住喺依度回味下。佢下午茶餐都有幾多款嘢食，但係我未食lunch，想揀個麵食，所以我就叫咗個麵再加佢其中一款小食。身為米線fans嘅我，叫咗個肉燥米線，佢份量都幾大，而且肉燥都好多，加埋隻滷蛋真係Perfect。佢個湯底一啲都唔鹹，不過因為佢有肉燥嘅鹹味所以同個湯底好夾，做得好出色。嘢飲方面我叫咗個阿華田珍珠，第一次飲呢個配搭都幾得意，兩樣都係我鍾意飲同食嘅嘢。小食方面我叫咗個甜品，就係呢個炸芋圓波，呢個真係要讚下，佢出面炸得好金黃色好靚又好脆，入邊真係有食到芋頭同埋有類似麻薯煙韌嘅感覺，作為飯後甜品真係一流。食咁多嘢都唔洗80蚊，真係好超值！
身為米線fans嘅我，叫咗個肉燥米線，佢份量都幾大，而且肉燥都好多，加埋隻滷蛋真係
Perfect。佢個湯底一啲都唔鹹，不過因為佢有肉燥嘅鹹味所以同個湯底好夾，做得好出色。
嘢飲方面我叫咗個阿華田珍珠，第一次飲呢個配搭都幾得意，兩樣都係我鍾意飲同食嘅嘢。
小食方面我叫咗個甜品，就係呢個炸芋圓波，呢個真係要讚下，佢出面炸得好金黃色好靚又好脆，入邊真係有食到芋頭同埋有類似麻薯煙韌嘅感覺，作為飯後甜品真係一流。食咁多嘢都唔洗80蚊，真係好超值！
Post
