哈豆

Open Now

Now Closed

又係同小朋友學完嘢，喺觀塘附近搵嘢食，朋友介紹平靚正樓上台灣菜，雖然喺工廈入邊，不過價錢真係俾地舖平得多，所以一於試吓。見到餐牌價錢真係好抵，鹽酥雞新竹米粉，鹽酥雞新鮮炸起，香酥好味，米粉口感好好，我地仲加左$12食條台灣腸，好香好好味。套餐配咗豆漿綠茶加珍珠，感覺健康。老水拼盤有滷水蛋，豆腐，豬手同牛展，平時食嘅牛展都會比較硬，呢度可以整到咁軟淋，非常驚喜好好味，小朋友都食到唔停口。最後忍不住叫埋甜品芋泥窩夫，新鮮整起，窩夫脆卜卜，芋泥軟綿綿，唔會好甜，價錢只係$38 ，仲要平過旺角街邊小食店，朋友果然冇介紹錯，真係性價比高。