宴 尖沙咀

同事約咗我放工後食日式放題。呢度嘅環境好舒服，好適合放工後嚟呢度放鬆食嘢，而且服務到好好。我哋揀咗「松餐放題」套餐，超抵！呢套餐唔包括飲品，飲品需要另外叫。佢哋嘅營業時間系星期一至六開到03:30，生意好到做埋宵夜時段，半夜肚餓想食唔晒驚揾唔到食啦！我同同事一人一碟三點刺身😆唔駛爭。佢哋嘅刺身好新鮮，點少少佢哋嘅wasabi,佢哋Wasabi真係好嗆所以少少就夠，除非你鍾意刺激🤣 火鍋湯底就有醬油湯同埋豬骨湯，個味道好日式，落咗其他材料直接好好飲。特上宮崎和牛油花好靚，食到好滑，淥幾下就可以食啦。佢哋嘅豚肉好肥美，最鍾意配醬油湯一齊食，味道好夾，而且厚度啱啱好，唔會好難咬。同埋雞肉好鮮嫩多汁，份量中唔少，好鮮甜。佢哋嘅松葉蟹好新鮮，肉質好Q彈，唔會散散咁，我哋兩個女仔食唔停，因為實在太好食啦🤣 最後仲加咗日本米粥食，因為嘅湯真係太鮮甜啦，可以話係一啖接住一啖食！下次一定要帶屋企人嚟呢度食，因為真係太抵食啦！