Mr. Crab by The Captain's House (Closed)

今日同舊老細食飯，老細請吃海鮮，咁一定要食豪啲。哩間餐廳係一棟獨棟樓，裝修得幾有特色。晚市除了散叫，仲提供2人同4人套餐，唔洗煩就叫二人套餐啦。二人套餐係Seafood Combo同main二選一，老細出咗聲，咁一定揀Seafood Combo啦。雙人套餐包埋2杯酒，可以選紅白酒同香檳，如果唔飲酒可以選汽水。今次要開車，所以揀咗可樂同薑汁汽水。套餐包埋2款例湯，咁兩款都試試。黑松露野菌忌廉湯好重黑松露味道，飲落好creamy，仲搭配咗小麵包，唔錯。老細嘅龍蝦湯話龍蝦味都好重，同埋湯好濃郁，唔錯。脆炸雞翼（水牛城汁），一份有4隻雞翼，仲搭配埋蔬菜棒加埋沙律醬。雞翼炸得脆啵啵，牛水城汁調得酸甜適中，食落爆晒汁水。Seafood Combo好多選擇，可以選擇3款小海鮮，今次揀咗小龍蝦，海蜆同小墨魚仔，醬汁揀咗lemon pepper sauce。3款海鮮食落都好鮮甜彈牙，醬汁唔會好酸，同海鮮搭配好啱。Combo仲搭配埋薯仔，粟米同腸仔。粟米勁甜，3隻完全唔夠食，全份海鮮食完已經超飽。溫泉蛋肉醬扁意粉，溫泉蛋煮得啱啱好，搭配埋肉醬同意粉一齊食，一流。哩個雙人餐真係唔錯，乜都可以試下，仲好抵食T