Video
Read full review
2021-04-30
445 views
今日黎到旺角鉄火堂同朋友食夜餐🤤記得好一兩年前黎過覺得幾好食但偏貴點知今次黎到嘅時候有驚喜！價錢一啲都唔貴 $129有超多款餸 好抵食原來侍應姐姐話咁啱今日起做promote 係旺角店限定😬本身我自己唔係好鐘意食吞拿魚 但見呢款丼咁抵 就試試佢啦🤫🔸🔸🔸🔸🔸🔸🔸🔸🔅厚切藍鯨吞拿魚刺身(兩切) + 7款自選餸🔅 $129📌最後揀咗劍魚腩、三文魚、馬刀貝、甜腐皮、芝士蟹子、帆立貝同海膽魷魚加埋吞拿魚有成8款餸呀！🤯不過唔知係咪因為特價關係 冇得揀我最鐘意嘅油甘魚🥲啲魚生都好新鮮 唔會有雪味👍🏻呢到入面覺得最好食係劍魚腩 好重油香另外出乎意料地接受到吞拿魚 唔會腥甜腐皮、芝士蟹子同海膽魷魚用黎送飯就啱哂🔸🔸🔸🔸🔸🔸🔸🔸📌朋友嗌咗同一款餐唔同餸 佢都話抵食呀如果仲有呢個promotion 真係非常推薦大家黎食👍🏻同埋見佢其他餐都唔貴 話佢世界級好食就唔係㗎啦 但都有中上 如果平時出街想食魚生飯都會揀佢💛💛🔸🔸🔸🔸🔸🔸🔸🔸📌另一方面講講個環境先 我去嘅時候比較少人所以兩個人坐到四人枱 坐得舒服嘅整體比起尖沙咀厚福街間店都冇咁迫睇落都乾淨企理🔸🔸🔸🔸🔸🔸🔸🔸食物：3.7/5抵食：4.3/5環境：3
記得好一兩年前黎過覺得幾好食但偏貴
點知今次黎到嘅時候有驚喜！
價錢一啲都唔貴 $129有超多款餸 好抵食
原來侍應姐姐話咁啱今日起做promote 係旺角店限定😬
本身我自己唔係好鐘意食吞拿魚 但見呢款丼咁抵 就試試佢啦🤫
🔸🔸🔸🔸🔸🔸🔸🔸
🔅厚切藍鯨吞拿魚刺身(兩切) + 7款自選餸🔅 $129
📌最後揀咗劍魚腩、三文魚、馬刀貝、甜腐皮、芝士蟹子、帆立貝同海膽魷魚
加埋吞拿魚有成8款餸呀！🤯
不過唔知係咪因為特價關係 冇得揀我最鐘意嘅油甘魚🥲
啲魚生都好新鮮 唔會有雪味👍🏻
呢到入面覺得最好食係劍魚腩 好重油香
另外出乎意料地接受到吞拿魚 唔會腥
甜腐皮、芝士蟹子同海膽魷魚用黎送飯就啱哂
🔸🔸🔸🔸🔸🔸🔸🔸
📌朋友嗌咗同一款餐唔同餸 佢都話抵食呀
如果仲有呢個promotion 真係非常推薦大家黎食👍🏻
同埋見佢其他餐都唔貴
話佢世界級好食就唔係㗎啦 但都有中上
如果平時出街想食魚生飯都會揀佢💛💛
🔸🔸🔸🔸🔸🔸🔸🔸
📌另一方面講講個環境先 我去嘅時候比較少人
所以兩個人坐到四人枱 坐得舒服嘅
整體比起尖沙咀厚福街間店都冇咁迫
睇落都乾淨企理
🔸🔸🔸🔸🔸🔸🔸🔸
食物：3.7/5
抵食：4.3/5
環境：3.5/5
衛生：3.5/5
服務：3.7/5
Post
