麵屋豚豚拍子 x 辛味屋 (Closed)

今日去咗將軍澳搵朋友行街，行到咁上下都有啲餓，就搵咗最就近嘅「豚豚拍子」食啦！打開餐牌都好多食物選擇啊！有唔同款拉麵 飯 連壽喜燒都有，可以滿足唔同人喜好，兩個人、一家人、甚至一大班人都適合，而且仲有晚市自選拉麵套餐，跟set 有埋小食每人都係$100鬆啲！！勁抵食！我哋分別叫咗黑豚拉麵同海老拉麵，我叫嘅係黑豚拉麵，黑蒜油味香濃；仲偷偷食咗朋友個湯底一啖，比我食嘅清，但好香豚骨味，仲有極多櫻花蝦喺上面。外脆內軟嘅炸豆腐自家製餃子🥟餃子好夠肉，煎得好香好豐富好夠飽，食咁多嘢都係$250咋！抵食！