Video
Read full review
2024-07-09
7442 views
位於牛頭角九龍東如心酒店既I-O-N一直都有推出半自助晚餐，素來網上評價都唔錯所以今次專程去試下😋一入到去中間位置放晒自助餐供應既食物，中途有期間限定既野食會搖鈴提示，聽到鐘聲就記住快啲去排隊啦🙈—————————————————————————————Main Course🍲♦️烤美國斧頭牛扒(4位用)：佢一開頭係會成張枱推出黎係你枱邊切，店員好細心會問你牛扒想要熟啲定生啲，因為我地有長者所以叫佢燒熟啲，店員既生熟度拿捏得好好，就算燒熟啲但肉質都可以保持嫩口，而且牛既脂肪比例適中唔會話過肥，絕對推薦大家食👍🏻😋♦️蒜香烤羊架及寶雲酥焗羊架（2位用）：我自己本身麻麻地羊架因為驚羊臊味，不過呢度既羊架真係要試下～份量都幾多而且蒜香味蓋過晒羊臊味，肉質口感好腍身，生熟程度岩岩好唔會過熟而韌，羊架表面焦香，内裡嫩滑脆嫩，幾好味🤗♦️烤斧頭豬扒 : 超級推薦💖外表望落好似有啲老，但食落係好嫩滑一啲都唔痴牙，表面撒左香草同黑椒令到燒起黎更加香👍🏻配菜有青椒同薯仔都好好味，青椒爽口咬落去唔會乾噌噌🫑♦️ 南瓜羊肚菌意大利飯配蘆筍及松子：意大利飯既軟硬度適中好入味，佢個汁好creamy南瓜味好香，而且唔會好
—————————————————————————————
Main Course🍲
♦️烤美國斧頭牛扒(4位用)：佢一開頭係會成張枱推出黎係你枱邊切，店員好細心會問你牛扒想要熟啲定生啲，因為我地有長者所以叫佢燒熟啲，店員既生熟度拿捏得好好，就算燒熟啲但肉質都可以保持嫩口，而且牛既脂肪比例適中唔會話過肥，絕對推薦大家食👍🏻😋
♦️蒜香烤羊架及寶雲酥焗羊架（2位用）：我自己本身麻麻地羊架因為驚羊臊味，不過呢度既羊架真係要試下～份量都幾多而且蒜香味蓋過晒羊臊味，肉質口感好腍身，生熟程度岩岩好唔會過熟而韌，羊架表面焦香，内裡嫩滑脆嫩，幾好味🤗
♦️烤斧頭豬扒 : 超級推薦💖外表望落好似有啲老，但食落係好嫩滑一啲都唔痴牙，表面撒左香草同黑椒令到燒起黎更加香👍🏻配菜有青椒同薯仔都好好味，青椒爽口咬落去唔會乾噌噌🫑
♦️ 南瓜羊肚菌意大利飯配蘆筍及松子：意大利飯既軟硬度適中好入味，佢個汁好creamy南瓜味好香，而且唔會好濃岩岩好，食落都唔會好漏～配埋松子口感更有層次🤗
♦️ 檸檬蒜蓉焗比目魚（2位用）：檸檬同蒜蓉味道好夾，蒜蓉本身比較易會漏但有檸檬汁中和味道更清新😌魚肉口感嫩滑，好似入口即溶咁，而且焗完魚皮都唔韌🐟
新鮮海鮮區🦐🦞🦀
♦️長腳蟹、蝦、青口、小龍蝦、翡翠螺，每樣都好新鮮，特別係長腳蟹鮮甜多肉🦀，仲帶有海水味超級推薦～蝦都好爽口仲好大隻👍🏻佢refill速度好快值得讚🥰
刺身區🍱
♦️三文魚、吞拿魚、希靈魚、甜蝦、八爪魚、馬刀貝🙈刺身味道正常，特別要提三文魚係厚切好正
沙律區🥗
♦️有多種沙律菜供選擇，仲有長餅乾棒我好中意食🙈仲有多種醬汁比你揀去配搭沙律
飲品🥤
♦️可以自製凍檸茶，另外有咖啡機可以揀☕️
甜品區🍮🍰
♦️櫻花大福、藍莓紐約芝士蛋糕、柚子慕絲蛋糕、泡芙等等，唔係話太多款式選擇🤔另外有Haagen Dazs雪糕💖
除此之外仲有中、西湯、多種芝士品種、煙燻食物可以任食～
🔔期間限定：今次搖左兩次鈴分別拎左水煮魚同馬卡龍🙈水煮魚好好味一碟仔份量都唔少，魚肉好嫩滑好腍配埋酸辣湯底好開胃🤤入面仲有豆卜同雲耳～大家記得留意搖鈴啦‼️‼️
評分🖍️(滿分為5個🌕)
抵食指數：🌕🌕🌕🌕🌕
服務質素：🌕🌕🌕🌕🌕
環境：🌕🌕🌕🌕🌕
味道：🌕🌕🌕🌕🌕
Post
