稻香 (新九龍廣場) (Closed)

今晚天氣涼涼地， 同朋友共兩人一同去咗大角咀稻香打邊爐， 雖然八點半後先有任食火鍋，原來正價時段六點半都有好抵食嘅打邊爐，我哋兩個人叫咗一個套餐118蚊有一個湯底，有6碟火鍋配料。醉雞鍋 好足料，好有花雕香味， 火鍋配料好新鮮， 份量都夠兩個人食，尤其是啲蝦上到檯面仲生猛嘅 ，佢仲有 自助醬料吧， 總共有八款 火鍋配料 ，任添任攞，任君選擇，想食乜嘢醬都有。 我哋仲叫咗兩支嘉士伯啤酒 ， 每支15蚊 ，埋單都不用兩舊水，只係185蚊，相當之超值。