鍋匠中日火鍋專門店 (Closed)

同朋友諗唔到食咩，行行下見到有個𡃁妹派傳單話出示學生證有全單七折就入咗去了。我地去個日係星期六夜晚，咁岩個日有世界盃睇，佢個電視都播緊，可以一路食一路睇波👍🏻👍🏻舖頭環境唔錯，幾新淨，應該係岩岩開既。當晚人唔係好多，成個場大約full咗一半，所以都坐得幾舒服。我地嗌咗個火鍋連刺身，啲刺身份量黎得好足，雖然種類唔多，但都已經夠晒數👍🏻睇落去都幾新鮮，呢個價錢算係咁。個火鍋湯底我地揀咗清清地既豬骨，都唔錯，火鍋材料都多，而且唔差，應該都算係新鮮。佢仲有雪糕雪條飲品同埋其他甜品，種類都算多。最緊要係坐得舒服，伙計都冇催我地走，又有七折，幾抵食👍🏻👍🏻 如果繼續有七折既話都會再食。