神谷日本料理 (Closed)

神谷日本料理係我最中意嘅日本料理之一，無他，價錢平勁抵食，料新鮮，多選擇最緊要係好好好食。幫襯過好多次，喺舊舖時已經係fans, 特登搭車入去食。每次想食壽司都想去，只可惜。。。佢真係好遠，坐位好迫，必須搭枱，加上排隊排到癲。。。如果早啲五點半六點去到就唔使等好耐。。。但普遍都係等半個鍾或一個鐘。雖則係咁都不損我對佢嘅鍾愛。自從開咗西環地鐵之後, 方便好多，地鐵行十分鐘，得閑又可以過口癮。最愛佢嘅蟹膏壽司同蟹子沙律, 份量足又新鮮。蟹糕壽司係我食過咁多間最好食, 一入口d 鮮味爆出嚟~~另一必食推介, 左口壽司, 入口即溶, 係食倒刺身本身嗰種天然油份同香甜。好值得推介!!!