校長燒肉日韓料理 (沙咀道) (Closed)

📍呢間校長燒肉係荃灣區都算幾出名👏🏻 因為價錢抵食選擇多而成日都滿座🙆🏻 座位闊落地方大 好適合大圍Gathering 除咗燒烤同火鍋之外 仲有唔少中日韓熟食同甜品等 食物選擇比幾年前黎既時候仲多咗tim!❤️餐廳採用自助形式 所有配料都無限任添! 🌀 韓式燒烤: 燒烤肉類全部均有醃製過 韓風甜辣醬/ 蒜香醬/ 香辣醬/ 黑椒汁等口味任均選擇😍 我最鍾意係韓風厚切豬腩片 油脂滲透令豬肉入口油潤 配合爽口彈牙既口感同惹味醬汁 雖然邪惡但忍唔住食多幾塊 丸子類同蔬菜菇類都好多野揀～🌀 一人火鍋: 有幾款湯底可以揀 大路湯底豬骨/麻辣/壽喜燒都有齊 一大圍人唔駛就黎就去 唔鍾意燒野食既可以打邊爐!🌀 點心及中式熟食: 點心有蝦餃/ 燒賣/ 牛肉球 我就比較鍾意熟食 有鼓椒炒蜆/東風螺/貴妃雞 煮得都好入味🌀小食及沙律吧: 有洋蔥圈/麥樂雞/炸蟹鉗/炸魚皮 燒肉之前可以食少少沙律中和下 覺得唔錯🫣當然仲要滿足埋甜品胃 除咗一口芝士蛋糕 仲有自家製布甸同多款雪糕雪條🍨價錢超抵食 雖然有限時 但如果冇人等位 完全唔趕客🫶🏻