清真惠記

Open Now

Now Closed

係香港經常都可以係熟食中心揾到又平又正既美食，不但食到地道風味，而且價錢仲相當平。 今日就去試左朋友推介既清真咖喱。 一入到去人頭涌涌，午飯時間人流非常多。熟食中心大多都係一點有比較有歷史既小店，雖然睇落去比較舊同環境及不上餐廳咁舒服，不過就係要舊舊地，同其他人搭檯先有香港大排檔呢種獨有風味。我叫左個牛腩飯，咖喱汁底比較甜而且唔係算太辣，牛腩亦比我想象中嫩，如果唔食得太辣既朋友我比較推介牛腩。 另外我仲叫左咖喱羊，呢款咖喱底比較辣，而且香料味亦都好重，加埋羊肉既騷味整個咖喱味道偏重，不過我略嫌醬汁有d太油膩。 整體價錢合理而且味道都算唔錯，正！