Video
Read full review
2023-01-11
90 views
日式正宗牛腸鍋香港真係唔多，旺角洗衣街有一間叫「令和居酒屋」，細細間氣氛好，$128 「渣滓牛腸鍋」超正。首先係牛腸極肥美，脂肪係好多好邪惡，但入口皮煙韌，然後咬到軟綿綿，跟住爆汁，湯汁清香。有大量蔬菜，完全平衡返。湯底仲可以要來做火鍋，我哋追加咗「鹿兒島A4黑毛和牛」$138*2，一人一碟開心吃，超大片薄切，五秒已食得，嫩！亦加咗「南國元氣鷄肉」，$98有五六件，連皮的，肉有彈性。值得一提，送的前菜小碟係海帶芽，即係海帶最嫩的部份，爽脆口感，少少黏，聽講好有益。當然意猶未盡，吃了串燒及燒魚，幾好。燒和牛舌 $48燒鷄翼 $28燒鷄棒 $22銀鱈魚西京燒 $128最後仲加咗「一人前石板燒 日本A4和牛」$188，一百克夠食，終於食到厚切，服務員代勞，面前煎，五成熟最佳效果，因為中間依然粉紅色，極嫩。店方自製「梅酒」，每杯$68，唔錯。茶水自取亦好。
首先係牛腸極肥美，脂肪係好多好邪惡，但入口皮煙韌，然後咬到軟綿綿，跟住爆汁，湯汁清香。
有大量蔬菜，完全平衡返。
湯底仲可以要來做火鍋，我哋追加咗「鹿兒島A4黑毛和牛」$138*2，一人一碟開心吃，超大片薄切，五秒已食得，嫩！
亦加咗「南國元氣鷄肉」，$98有五六件，連皮的，肉有彈性。
值得一提，送的前菜小碟係海帶芽，即係海帶最嫩的部份，爽脆口感，少少黏，聽講好有益。
當然意猶未盡，吃了串燒及燒魚，幾好。
燒和牛舌 $48
燒鷄翼 $28
燒鷄棒 $22
銀鱈魚西京燒 $128
最後仲加咗「一人前石板燒 日本A4和牛」$188，一百克夠食，終於食到厚切，服務員代勞，面前煎，五成熟最佳效果，因為中間依然粉紅色，極嫩。
店方自製「梅酒」，每杯$68，唔錯。
茶水自取亦好。
Post
