石之牛石板日式料理 (Closed)

石燒牛於近兩年興起，客人可以按自己喜好決定牛嘅生熟程度，但動輒都起碼要一百蚊先埋到單，今日經過呢間「石之牛」，見到只係$58就食到，咁抵一於要黎試下。餐廳環境乾淨寬敞，座位夠晒闊落，坐得好舒服。午餐都幾多選擇，豬牛雞羊都有，仲包熱飲，一場黎到就梗係要試佢個58蚊牛板腱啦。午餐可以任食沙律杯、羅宋湯及白飯，沙律杯都係獨立包裝，再自己加醬汁，保證衛生；羅宋湯相當足料，真係可以飲多兩碗。等咗一陣，主角嘅牛板腱終於到了，都相當大塊，牛板腱肉質軟熟，用刀輕輕力已經切得開，入口都幾多肉汁，散發出濃濃牛香味，以$58黎講絕對超值；套餐包粗薯條及牛油粟米，薯條即叫即炸夠熱夠脆。