Video
Read full review
2020-06-16
79 views
今日喺青衣一帶打波，打完波就去搵好嘢食啦！見到翠怡花園有一間叫做當下既黃店，於是就黎幫襯啦！超級推薦！呢間黃店裝修都唔會話有好多好明顯嘅文宣，但係佢嘅餐牌一放低你就會見到佢寫咗幫香港人打氣嘅字句！竟然仲會每日提供三十免費午餐比有需要既人真係好有心！今次必須要推薦佢嘅晚餐套餐！因為真係極度抵食！就係佢個1+2+3+4+5+6 套餐，只係369蚊，就包曬兩碗餐湯、兩個田園沙律、一碟四隻既雞翼、一碗任選意粉、一個任選主食同兩杯雪糕，包埋餐飲，全部都係勁大份又好味！呢個價錢真係難以置信！超級抵食😍首先兩碗餐湯係洋蔥蘑菇忌廉湯，勁足料，每一啖都有好多蘑菇碎，有好香嘅蘑菇，又因為加咗洋蔥，吊起左隻味，所以更加惹味。田園沙律真係好震驚，因為我冇諗過係咁大碟！平時好多餐廳跟餐嘅沙律只係一個細碗仔幾條菜，但係呢碟沙律真係超級有誠意！望落好似70幾蚊一件嗰啲咁多，佢用嘅甜醋油好好味，絕對唔會太酸，呢個份量跟餐餸一碟已經好抵玩，但係佢仲要係每人一碟！真係勁誇張！性價比極高，而且真係好好味～蜜糖燒雞翼，又係有好足料嘅蜜糖，你會見到隻碟有好多蜜糖汁，佢嘅雞翼都燒得幾好味，蜜糖甜甜地再加雞翼本身小小嘅鹹味，撞落美
呢間黃店裝修都唔會話有好多好明顯嘅文宣，但係佢嘅餐牌一放低你就會見到佢寫咗幫香港人打氣嘅字句！竟然仲會每日提供三十免費午餐比有需要既人真係好有心！
今次必須要推薦佢嘅晚餐套餐！因為真係極度抵食！就係佢個1+2+3+4+5+6 套餐，只係369蚊，就包曬兩碗餐湯、兩個田園沙律、一碟四隻既雞翼、一碗任選意粉、一個任選主食同兩杯雪糕，包埋餐飲，全部都係勁大份又好味！呢個價錢真係難以置信！超級抵食😍
首先兩碗餐湯係洋蔥蘑菇忌廉湯，勁足料，每一啖都有好多蘑菇碎，有好香嘅蘑菇，又因為加咗洋蔥，吊起左隻味，所以更加惹味。
田園沙律真係好震驚，因為我冇諗過係咁大碟！平時好多餐廳跟餐嘅沙律只係一個細碗仔幾條菜，但係呢碟沙律真係超級有誠意！望落好似70幾蚊一件嗰啲咁多，佢用嘅甜醋油好好味，絕對唔會太酸，呢個份量跟餐餸一碟已經好抵玩，但係佢仲要係每人一碟！真係勁誇張！性價比極高，而且真係好好味～
蜜糖燒雞翼，又係有好足料嘅蜜糖，你會見到隻碟有好多蜜糖汁，佢嘅雞翼都燒得幾好味，蜜糖甜甜地再加雞翼本身小小嘅鹹味，撞落美味～
呢度嘅任選意粉同埋主食全部每樣都係唔同價錢，但係如果你跟餐嘅話，係完全唔使加錢，呢個又係超抵食！
我地叫左個忌廉汁青口意大利飯，啲青口有好多隻，拆曬出黎撈飯食好好味～質地軟軟地，有少少海鮮香味，忌廉汁又係調味好高質，撈住咁食意大利飯勁惹味！好有驚喜～
主食我地叫左個澳洲肉眼扒，都係勁高質，大大塊，外脆內軟，五成熟既口感不得了，仲有佢比既醬汁又係調得超好味，點牛扒黎食一流，佢仲有薯菜，薯角黎！超高質，點牛扒汁黎食真係超好味～真係樣樣野都又多又好味～
最後既甜品係雪糕，又係勁驚喜，放得咁靚！有忌廉同朱古力醬，超靚～亦都令杯雪糕個味更加豐富❤️
順帶一提，呢度既店員態度好好，waitress姐姐都好好耐性同你介紹同推薦餐牌上既食物～
超抵食超級滿足又大飽口福既一餐！💖一定會再回頭！
Post
