韓閣 (新都城中心二期) (Closed)

今晚同舊同事dinner, 大家都話好耐冇食韓國嘢，大家一致通過試吓呢間餐廳，決定又食傳統又食新式既食物。海鮮豆腐湯個湯都好鮮甜，我哋叫咗唔辣，唔會腥，豆腐食落好滑，超多顯，兩隻蝦，兩隻青口，仲有好多蔬菜，加上個湯夠熱，啱哂。五花腩片石頭鍋飯傳統石頭鍋飯，豬腩片，肉味夠，油香十足，令個飯更加香，撈埋啲辣椒醬，大豆芽菜，紅蘿蔔絲，青瓜絲同雞蛋一齊食，又夠嘅飯焦，非常之好。蜂蜜牛油味炸雞炸雞炸得香脆，蜂蜜配牛油，夠晒邪惡，香甜惹味，炸雞有四大件，啖啖肉，肉質Juicy,食唔停口，令人非常滿足。牛肉雜菜手卷用牛肉雜菜做既手卷，望落去都幾靚，三又飽肚，味道唔會出錯。總括而言，個炸雞真係好味又惹味，食物性價比高，下次再食，叫多幾多朋友試多幾味。依家餐廳做緊現金券優惠，買1本 $500現金券，即減$100，買3本 $500現金券（共$1500），即減$300再送價值$168 韓式豬手一份，真係好抵食。