大丸和風食堂 (Closed)

朋友介紹特色日本料理屋，前幾晚入內一試。藏身於鬧市，街檔旁邊的一間日式居酒屋。一入店內，滿佈日文字的海報，加上日本音樂，猶如置身日本。店員態度親切殷勤，盡快安排位置，點嘅菜都好快上枱，感覺不錯！加上店舖店舖內的座位寬敞，沒有趕着走嘅感覺，舒服！先來一個三文魚刺身，雖然只有四片，味道新鮮，Size啱啱好，入口即溶，每人兩片，剛剛好。因為三文魚實在太好食，再來一個三文魚加州卷，細細粒容易入口，三文魚加上沙律醬，整個組合，好像一口壽司，比起平時的加州卷，好味好多！接着係鐵板牛油帶子，來到枱上的時候，鐵板樣食物嘅溫度剛剛好，牛油帶出帶子嘅香味，冬菇及金菇成為配菜，每一口牛油帶子香到一個點，唔捨得吞落肚！帶子嘅size，完全沒有偷工減料。然後鍋仔手打烏冬，以及牛肉壽喜燒鍋一齊上，手打烏冬非常嫩滑，配合海鮮嘅配料，飽肚好味，壽喜燒雖然可以在家煮，但係佢哋嘅汁超好味，令當中嘅餸菜牛肉，入口惹味！兩個人食五道菜，略嫌太多，但係有一個也不能少，大滿足的一個晚上！