碧翠咖啡閣 (Closed)

記得上一次去Patio果時，d 食物一般，冇太大驚喜。點知近排公司攪gathering又去咗Patio食，點知發現一月幫襯有６５折，勁平！雖然係平，但係食物種類都幾ｏｋ。我同d 同事就勁食海鮮，生蠔都幾大隻，見到廚師不停refill生蠔就知有幾受歡迎啦！除咗蠔之外，仲有龍蝦仔、瀨尿蝦、青口、翡翠螺、蝦同長腳蟹，ｄ長腳蟹唔錯，我食咗勁多。另外，有個廚即整鐵板燒，有蝦，豬扒，牛仔骨扒，羊扒，新鮮熱辣，都幾正！醃得好入味，抵讚！原來餐廳今個月仲有推懷舊小食，細細個鐘意食嗰d 啄啄糖，菠蘿串，紅豆糕，炸饅頭，芝麻卷都得有食。其他嘢食好似日式照燒蝦串，燒鴨胸配砵酒汁，香芒魚件，咖喱羊肉，煎蠔餅，蒸大鱸魚，避風塘炒蟹等，味道都唔錯。仲有碗仔翅，鮑魚雞粥，雖然明知唔係ｄ貴價海味，但只係二百幾蚊埋單一個人，超抵食！