水蜜桃冰室 (Closed)

早前同朋友一行三人去左旺角食呢間水蜜桃冰室。揀左兩款小食同埋一個鐵板燒套餐。首先係酥皮湯配蒜蓉包，表層脹卜卜的酥皮略嫌唔夠鬆脆，而忌廉湯感覺有點淡，不過充滿牛油香。小食叫左日式蟹肉炸薯餅，吉烈既外表入面係啖啖既蟹肉同薯蓉，好滿足。另外叫左芝士焗田螺，焗溶左既芝士好香好野味。主菜叫左鐵板燒紐西蘭牛柳，份量比一般餐廳嘅鐵板燒稍為大，牛柳鮮嫩得黎亦有酒香味，性價比高。作為旺角既餐廳，佢既裝修相對上精緻獨特，食物選擇多，價錢亦算平。如果想平平地食一餐舒服既西餐，水蜜桃冰室絕對係唔錯既選擇。