Video
Read full review
2024-11-05
183 views
最近見好多人食brunch，所以我都襯weekend去chill一chill。原來brunch都唔一定係幾百蚊一位嘅玩意，二百幾已經有唔錯嘅選擇。“帝樂德國餐廳”位於銅鑼灣嘅帝樂，呢度嘅brunch好簡單，就係一個主菜加一個飲品，而外邊嘅嘢食任拎。所以外邊嘅嘢食就成為重點。外面嘅嘢食包括海鮮(新鮮蝦、青口)、沙律、Parma ham、熱食(德國腸、串燒、魚塊)、麵包、唔少種類嘅水果甜品等等。基本上已經係一個小型自助餐嘅格局。當中除咗最拿手嘅德國腸外，蝦同青口嘅表現係相當理想，夠晒彈牙，而且最重要係，夠晒凍。喺主菜嚟之前，好大機會已經食飽😂。主菜方面，我哋就叫做極之巨型嘅…脆皮燒豬肘配酸椰菜及炸薯角 (2位用) $488超巨型嘅豬肘，嚟到我哋已經知大鑊😂。餐廳會將佢切件再上。果然，豬肘都係德國餐廳做得好，皮厚而脆，加埋一絲絲脂肪黐喺啲皮上面，咬落去係超乎想像嘅快感。肉亦都唔錯，唔會好嚡，最重要係唔會過咸。另外酸椰菜亦相當好食，唔會過酸，而同豬手係夾嘅。難怪weekend brunch呢度咁多人食。二百幾蚊，可以美味地飽足一日。另外要提提，餐廳做緊啤酒節通行證。可以以$250，係參與嘅餐廳
“帝樂德國餐廳”
位於銅鑼灣嘅帝樂，呢度嘅brunch好簡單，就係一個主菜加一個飲品，而外邊嘅嘢食任拎。所以外邊嘅嘢食就成為重點。
外面嘅嘢食包括海鮮(新鮮蝦、青口)、沙律、Parma ham、熱食(德國腸、串燒、魚塊)、麵包、唔少種類嘅水果甜品等等。基本上已經係一個小型自助餐嘅格局。當中除咗最拿手嘅德國腸外，蝦同青口嘅表現係相當理想，夠晒彈牙，而且最重要係，夠晒凍。喺主菜嚟之前，好大機會已經食飽😂。
主菜方面，我哋就叫做極之巨型嘅…
脆皮燒豬肘配酸椰菜及炸薯角 (2位用) $488
超巨型嘅豬肘，嚟到我哋已經知大鑊😂。餐廳會將佢切件再上。果然，豬肘都係德國餐廳做得好，皮厚而脆，加埋一絲絲脂肪黐喺啲皮上面，咬落去係超乎想像嘅快感。肉亦都唔錯，唔會好嚡，最重要係唔會過咸。另外酸椰菜亦相當好食，唔會過酸，而同豬手係夾嘅。
難怪weekend brunch呢度咁多人食。二百幾蚊，可以美味地飽足一日。
另外要提提，餐廳做緊啤酒節通行證。可以以$250，係參與嘅餐廳，飲5杯啤酒。最正嘅地方係唔需要喺一間餐廳用晒，可以去唔同參與嘅餐廳，每間試一杯啤酒都得，已經相當抵玩。
Post
