Video
Read full review
2005-03-21
10 views
Lunch0向九龍城搵食, 想食咖哩, 諗住一係去清真一係去呢間. 0向門口見到有星期一至五有set lunch供應, 之前0黎食過一次, 印象唔錯, 咁就一於試下啦!個set包括:1件samosa: 微暖, 鬆脆, 唔算油, 內有粒粒薯仔同青豆, 不過冇咩辣味, 但係都幾好食.1件鐵板雞or魚: (我唔記0左係tandoori定tikka )冇得簡要雞定魚, 由餐廳定, 每天不同, 今日係雞. 件雞槌都幾大件0下, 微暖(應該同samosa都一樣係預先整定), 雖然係雪藏貨可幸腌得幾夠咪, 幾香口.是日餐湯: 忌廉粟米湯, 應該係罐頭貨式.沙律: 有腌過０既紅蘿蔔絲, 青瓜絲, 小小一碟, 作為開胃前菜亦唔錯.白飯同Naan2塊：原本以為係白飯或naan, 點知原來係2樣都有. 白飯唔係普通白飯, 又唔似係印度飯,有點硬硬的, 有0趙口, 唔錯. Naan係新鮮整的, 我食完samosa同雞先食都又熱又脆, 2塊都俾我清晒~咖哩: 可以簡羊/牛/雞/魚/雜菜, 唔想要咁多肉, 所以試0左雜菜. 新鮮熱辣一滿碗(同碗湯一樣size), 內有大量青豆, 豆角同薯仔粒, 又多汁又多料, 淨
個set包括:
1件samosa: 微暖, 鬆脆, 唔算油, 內有粒粒薯仔同青豆, 不過冇咩辣味, 但係都幾好食.
1件鐵板雞or魚: (我唔記0左係tandoori定tikka )冇得簡要雞定魚, 由餐廳定, 每天不同, 今日係雞. 件雞槌都幾大件0下, 微暖(應該同samosa都一樣係預先整定), 雖然係雪藏貨可幸腌得幾夠咪, 幾香口.
是日餐湯: 忌廉粟米湯, 應該係罐頭貨式.
沙律: 有腌過０既紅蘿蔔絲, 青瓜絲, 小小一碟, 作為開胃前菜亦唔錯.
白飯同Naan2塊：原本以為係白飯或naan, 點知原來係2樣都有. 白飯唔係普通白飯, 又唔似係印度飯,有點硬硬的, 有0趙口, 唔錯. Naan係新鮮整的, 我食完samosa同雞先食都又熱又脆, 2塊都俾我清晒~
咖哩: 可以簡羊/牛/雞/魚/雜菜, 唔想要咁多肉, 所以試0左雜菜. 新鮮熱辣一滿碗(同碗湯一樣size), 內有大量青豆, 豆角同薯仔粒, 又多汁又多料, 淨食或點naan都好味, 不過又係唔夠辣.
餐茶: 咖啡or奶茶, 冇檸茶or檸水, 轉汽水加$5, 凍飲加$2. 要左個熱奶茶, 冇咩特別, 不過都算有茶味, ok啦~
成個餐真係好抵, 食到飽飽唔使加一都只係$32, 男仕都一定夠, 女仔細食叫佢走飯都夠飽. 環境清淨, 放住柔和印度音樂, 氣氛幾好. 客人唔多, 由我入去到我走都只係得3, 4枱, 見佢都已經開0左幾年, 食物水準又唔錯, 希望維持得住唔好執啦......
Post