牛摩+ (沙田中心) (Closed)

真係好耐都冇食到咁飽既任食火鍋。 今日係沙田搵到呢間牛摩任食火鍋，最正呢度一黎到就每人簡好個湯底先，咁一坐底每人都有個鍋係度熱住等淥野食。我地今次一行3人就簡左麻辣鴨血，濃湯豬骨，同長野蘋果湯。 坐底見到個鍋已好吸引。然後就係手機order晒啲肉先。 最正prime 美國頂級牛肩，牛板肩，頂級肥牛，西班牙黑毛豬，羊肉，帶子。 佢既肉真係超新鮮又大碟，真係冇諗過份量係咁多，仲要任食，起碼叫左三輪。要混醬既話出面都有成張枱咁長咁比客人撈。 然後仲有出面既蔬菜區，菜真係好新鮮，冇霉黑，亦好乾淨。 當然，佢既芋絲，瓜果，麵類都好多。而佢地雖然唔係雪櫃一支支咁攞，但佢既野飲機既野飲都好唔輸蝕，冇諗過會咁好飲同好香。而最後既抹茶軟雪糕真係不得不食，抹茶味勁香。 所以今晚真係好滿足。