Video
Read full review
2019-04-21
468 views
超推介一間平民價錢嘅高級食材餐廳🍴今日睇openrice ，見到油麻地嘅村爺爺 龍蝦湯 泡飯 燉湯專家好多好評，就同朋友去試下。果然令我好驚喜！我地食左幾樣野：1⃣鮑魚花膠蟲草花雞煲翅🥘一睇個名已經覺得好吸引，呢d平時大時大節先食嘅煲，呢度竟然做緊特價128。個煲好大下，夠2個人食，仲可以要求加飯賺套餐添。煲入面嘅材料真係好豐富呢！雞係原隻送上，好大好新鮮，d肉比海南雞仲要嫩！服務員好細心，會提供濕紙巾同膠手套。撈起雞之後，可以慢慢品嚐個湯，可以分到4碗。雞湯味好濃，而且食唔出味精。入面真係有原隻鮑魚、花膠、蟲草花、杞子等等，抵過屋企自己煲呢！2⃣雞件蜆肉雜菌龍蝦湯泡飯🦞呢個我轉做手打烏冬底，都係非常好食嘅。佢材料好好好足夠，淨係蜆都多到數唔曬，雞肉舊舊係肉，仲要係靚肉添，記憶中都有10舊左右，菇🍄亦都有好多，令我懷疑佢點賺錢，哈哈🤣呢個咁豐富嘅餐只係58（我要左烏冬加左10蚊）不過最吸引我嘅，其實係另加35嘅半隻龍蝦，龍蝦好大好靚好多肉，真係好少機會可以係呢d地方食到龍蝦，仲要係咁實惠嘅價錢。3⃣墨魚手指魚腐龍蝦湯泡飯🍲呢款一樣好正！呢個材料係另外用碟裝的，不過因為墨魚手指魚腐都係炸嘅，怕
今日睇openrice ，見到油麻地嘅村爺爺 龍蝦湯 泡飯 燉湯專家好多好評，就同朋友去試下。果然令我好驚喜！我地食左幾樣野：1⃣鮑魚花膠蟲草花雞煲翅🥘一睇個名已經覺得好吸引，呢d平時大時大節先食嘅煲，呢度竟然做緊特價128。個煲好大下，夠2個人食，仲可以要求加飯賺套餐添。煲入面嘅材料真係好豐富呢！雞係原隻送上，好大好新鮮，d肉比海南雞仲要嫩！服務員好細心，會提供濕紙巾同膠手套。撈起雞之後，可以慢慢品嚐個湯，可以分到4碗。雞湯味好濃，而且食唔出味精。入面真係有原隻鮑魚、花膠、蟲草花、杞子等等，抵過屋企自己煲呢！
2⃣雞件蜆肉雜菌龍蝦湯泡飯🦞
呢個我轉做手打烏冬底，都係非常好食嘅。佢材料好好好足夠，淨係蜆都多到數唔曬，雞肉舊舊係肉，仲要係靚肉添，記憶中都有10舊左右，菇🍄亦都有好多，令我懷疑佢點賺錢，哈哈🤣呢個咁豐富嘅餐只係58（我要左烏冬加左10蚊）不過最吸引我嘅，其實係另加35嘅半隻龍蝦，龍蝦好大好靚好多肉，真係好少機會可以係呢d地方食到龍蝦，仲要係咁實惠嘅價錢。
3⃣墨魚手指魚腐龍蝦湯泡飯🍲呢款一樣好正！呢個材料係另外用碟裝的，不過因為墨魚手指魚腐都係炸嘅，怕熱氣嘅可以揀其他。呢個餐係朋友點嘅，我淨係食左少少，都覺得野食新鮮好食，但因為食唔多，無辦法仔細描述喇，哈哈！
Post
