木玥巷 (Closed)

住大西北咁耐，一早已經聽過「木玥巷」呢個名，但次次週末去，門口都大排長龍，趁住年尾清假，終於可以平日去了。紅燒牛肉麵 :有3塊牛𦟌，又厚又大塊，煮得好淋好入味，麵唔會太淋，湯底有淡淡藥材味而唔油膩，配菜有紅蘿蔔、白蘿蔔及白菜，吸晒湯份外好味。酥炸排骨飯 :一上枱已經聞到好香鹽酥味，排骨好大件，炸得脆口，食落肥瘦均勻，有好多肉汁，但唔會覺得油膩，配菜有百香果醃木瓜，甜甜地感覺清新。澎湖花枝蝦排 :炸得好香脆，蝦同花枝味並重，唔會只得一種味，食落有粒粒花枝粒，夠晒彈牙。芒果寒天多多 :上枱時已經俾可愛嘅熊貓杯吸引到，入口好香濃芒果味，味道唔太甜，寒天份量多，煙煙韌韌好有咬口。檸檬蜂蜜 :朋友嘅熱檸檬蜂蜜，蜜糖量夠多，天寒地凍飲真係份外滋潤溫暖。