Video
Read full review
2019-03-16
66 views
要食一餐有質素嘅法國菜，動不動每位就要過千，呢間價錢睇得過，而且好好食，環境格調高雅，情侶黎食一流💑首先店員送上餐前小食同餐包，呢兩款係免費嘅小食係蟹肉三文魚他他，味道特別~~餐包烘到熱辣辣，外脆內鬆軟綿密，又唔係空氣麵包，口感帶煙韌，係高質嘅法式軟包！搽上附隨嘅牛油好夾，呢款唔係普通嘅牛油，而係混合左其他配料，出面食唔到，好特別！套餐好抵食，starter揀左法式白酒煮青口，上枱比我想像中多，同埋真係好好食!!未試過咁鍾意食青口，平時食嗰啲都係會韌或者無味，但原來新鮮嘅青口係咁好食！白酒加蒜煮好惹味之餘，仲食到青口嘅鮮香！主菜方面野生大西洋銀鱈魚配西洋菜蓉及馬鈴薯麵團呢個應該係我食過最出色嘅銀鱈魚扒！煎至雙面呈微微的金黃色，肉汁完全封鎖係魚肉入面！入口魚肉彈性，魚鮮味一食就感覺到，脂香同滑溜口感真係肥美香甜！好 好 食！配料都絕不馬虎，下面綠色嘅西洋菜蓉，完全係精華！濃郁到好似飲緊西洋菜湯😭❤️泡沫係由胡椒整成，真係有胡椒味，好特別！馬鈴薯麵團一粒粒好似豆咁好得意！薯仔味香濃，一啖一粒💗另外一款必食推薦嘅西班牙黑毛豬鞍扒配蘋果無花果甜酸醬，呢款就散點($348)不愧係大廚推薦，好正啊！
要食一餐有質素嘅法國菜，動不動每位就要過千，呢間價錢睇得過，而且好好食，環境格調高雅，情侶黎食一流💑
首先店員送上餐前小食同餐包，呢兩款係免費嘅
小食係蟹肉三文魚他他，味道特別~~
餐包烘到熱辣辣，外脆內鬆軟綿密，又唔係空氣麵包，口感帶煙韌，係高質嘅法式軟包！搽上附隨嘅牛油好夾，呢款唔係普通嘅牛油，而係混合左其他配料，出面食唔到，好特別！
套餐好抵食，starter揀左法式白酒煮青口，上枱比我想像中多，同埋真係好好食!!
未試過咁鍾意食青口，平時食嗰啲都係會韌或者無味，但原來新鮮嘅青口係咁好食！白酒加蒜煮好惹味之餘，仲食到青口嘅鮮香！
主菜方面
野生大西洋銀鱈魚配西洋菜蓉及馬鈴薯麵團
呢個應該係我食過最出色嘅銀鱈魚扒！
煎至雙面呈微微的金黃色，肉汁完全封鎖係魚肉入面！入口魚肉彈性，魚鮮味一食就感覺到，脂香同滑溜口感真係肥美香甜！好 好 食！
配料都絕不馬虎，下面綠色嘅西洋菜蓉，完全係精華！濃郁到好似飲緊西洋菜湯😭❤️
泡沫係由胡椒整成，真係有胡椒味，好特別！
馬鈴薯麵團一粒粒好似豆咁好得意！薯仔味香濃，一啖一粒💗
另外一款必食推薦嘅西班牙黑毛豬鞍扒配蘋果無花果甜酸醬，呢款就散點($348)
不愧係大廚推薦，好正啊！厚切豬鞍扒可以做到咁juicy咁鬆軟，毫無鞋口感，一啲韌都完全無！
而且肥瘦均勻，入口鬆軟得黎有彈力，肉味香濃，連脂肪都香過人！伴碟嘅蘋果無花果醬酸味突出，可以中和食豬鞍扒嘅膩感！其實豬鞍扒都唔會好肥膩，但隻醬都整得好好食😻入面真係有無花果乾，被我清曬🤤主菜加左個沙律🥗$78
估唔到份量幾多下，沙律菜好新鮮，而且配檸檬油醋汁一啲都唔膩
套餐有埋甜品，係經典法式拿破崙~~
金黃色嘅酥皮，入口富層次感，鬆化香脆，忌廉香甜軟滑，為今晚畫上完美句號。
依家佢哋星期日至四有做5款紅酒白酒任飲，每位只需加$168，感覺超抵！可惜我唔飲酒🍻～
Post
